Tanba durante ne'e ekipa EOD simu pedidu barak husi komunidade kona-ba material funu nia iha Munisípiu sira atu halo destroisaun, maibé ekipamentu laiha.
“Ita mínimu ba ekipamentu ba protesaun, ekipamentu espesial sira ne'ebé mak ita bele utiliza atubele halo destroisaun ba sasán sira ne'e to'o agora zero, ekipamentu ami halo destroisaun, uza ami-nia estratejia rasik tuir kbi’it ne’ebé mak ami hatene no ami iha, nune'e husu Governu liuhusi dirasaun komandu PNTL atubele toma atensaun ba ekipamentus EOD nian, nune’e bele utiliza hodi asegura vida bainhira halo destroisaun ba material funu nian”, dehan Estaqui bainhira halo evakuasaun ba Bomba ne'ebé komunidade sira hetan iha Aldeia Kuluhun de Baixu, tersa (14/12).
Maske hasoru difikuldade kona-ba ekipamentu protesaun nian, maibé ekipa EOD nafatin buka meius hodi hatudu servisu ho profisionál servi povu no nasaun.
"Ami rasik laiha ekipamentu propriu atu asegura ami-nian vida, maibé hanesan servidór ba Estadu ami prontu nafatin halo servisu”, afirma nia.
Ekipamentus sira ne’ebé mak EOD presiza mak hanesan ekipamentu protesaun, ekipamentu investigasaun, no ekipamentu destroisaun.
Aleinde ne'e iha tinan 2021, EOD simu pedidu destroisaun husi komunidade besik 200 resin, tanba ne’e ekipa EOD tenta atende pedidu sira ne’e iha territóriu laran tomak. (*)