Login to your account

Username *
Password *
Remember Me

Evita Membru Komete Infrasaun, PNTL ho F-FDTL Lansa Operasaun Disiplina 

Membru PNTL no F-FDTL sira rona hela instrusaun husi Xefe Departamentu Justisa PNTL, Superentidente Xefe Agostinho Gomes, molok halo operasaun, iha Kuartel Unidade PM, Kintal-ki’ik, segunda (13/12). Membru PNTL no F-FDTL sira rona hela instrusaun husi Xefe Departamentu Justisa PNTL, Superentidente Xefe Agostinho Gomes, molok halo operasaun, iha Kuartel Unidade PM, Kintal-ki’ik, segunda (13/12). Foto Suplay

Tempotimor (Dili)-Departamentu Justisa Polísia Nasionál Timor-Leste (PNTL) hamutuk ho komandu FALINTIL-Forsa Defeza Timor-Leste (F-FDTL) liuhusi Unidade Polisia Militár (PM) hahú lansa operasaun disiplina konjunta ho kódigu operasaun haberran iha kapitál Dili, atu evita membru sira komete infrasaum disiplinar.

"Operasaun disiplina konjunta ho Kódigu operasaun haberran ne'e atu garantia disiplina orden no aplikasaun lei regulamentu norma no orden komandu nia”, esplika Xefe Departamentu Justisa PNTL, Superentidente Xefe Agostinho Gomes, iha Kuartel PM, Kintal-ki’ik, segunda (13/12).

Ho operasaun ne'e oinsá atu prevene forsa militár, no PNTL sira labele halo infrasaun disiplina durante períodu natál no tinan foun.

Nune'e nafatin garantia kria estabilidade, seguransa ba povu atu festeza natál no tinan foun ho hakmatek

Aleinde ne'e mós operasaun Disiplina Konjunta ne'e halo la siknifika durante ne'e PNTL ho F-FDTL sira la iha disiplina, maibé ne'e halao atubele reforsa liután iha loron boot ne'e.

"La siknifika katak durante ne'e forsa laiha disiplina, forsa iha disiplina mak eziste to’o agora serbí Estadu no Povu to’o agora, mais nu'udar forsa profesionál tantu militár, tanto Polísia disiplina ne'e tenke hadi’a nafatin operasaun ne'ebé ita tenke halo, liliu iha loron boot sira ne'e”, dehan nia.

Komandante Interinu Unidadr Polísia Militar, Kapitaun Francisco Xavier dos Reis Neto hatete, operasaun ida ne'e oinsá Institutuisaun rua atu servisu hamutuk hodi mantein prevensaun ba disiplina membru sira.

"Ita-nia servisu hamutuk ita halo patrullamentu no checkpoint hamutuk, hodi haree membru sira-nia disiplina iha fulan ida ne'e nia laran, tanba ita hatene fulan ida ne'e ita festeza loron boot, tanba ne'e ita-nia institutuisaun rua ne'e mak at fó seguru no defeza liberdade ema hotu no ita mak atu garante disiplina iha instituisaun rua ne'e”, dehan nia.

Entretantu Operasaun Disiplina Konjunta iha Kapitál Dili ne'e hahú husi loron 13 fulan-dezembru 2021 to’o loron 3 fulan-aneiru tinan 2022. (*)

Rate this item
(1 Vote)
Last modified on Monday, 13 December 2021 11:30
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« November 2022 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter