"Entaun ho ida ne'e, ita alerta hodi fó hanoin ba hothotu atu asegura, liliu Komúnidade sira ne'ebé iha kapitál Dili inklui mós munisípiu sira, SEPS nafatin fó hanoin ba populasaun sira, liliu ba sira ne'ebé hela iha área risku ba dezastre hanesan, mota laran, mota ninin, foho lolon sira ne'e katak udan mak liu ona 30 minutu ba leten, halo favor sees-an husi área refere hodi bele salva-an”, dehan Diretór Jerál SEPS, Superintendente Ismael Babo, iha edifísiu SEPS Kaikoli, segundu (13/12).
Bainhira udan husu ba inan aman sira atu kontrola labarik labele halimar besik mota ka fatin risku ne'ebé baibain bee sa'e no mota tun, inklui hamate kontadór eletrisidade nia atu labele afeta dezastre perigu ba vida.
"Nune'e mós husu ba joven sira iha situasaun hanesan ne'e fó apoiu ba SEPS hodi evakua lalais ita-nia inan isin-rua no ita-nia inan aman idozu sira, ema moras sira inklui defisiensia sira ba fatin ne'ebé seguru atu sira bele hakmatek”, dehan nia.
Entretantu iha Kapitál Dili ne'ebé SEPS identifika nu'udar mais risku iha tempu udan mak, Tasitolu, Golgota, Bairopite hudi laran, Kaikoli, Kolmera no Vilaverde. (*)