"Husu ba sira ne'ebé iha motorizada no karreta rasik, ou lori transporte ema seluk nia, favor ida tenke trata dokumentu transporte nia, inklui trata mós sira-nia sim, atu nune'e bainhira halo viajen ne'e livre husi Polísia”, dehan Komandante Polísia Tránzitu Munisípiu Dili, Inspetór Domingos Sarmento Gama, iha Kaikoli, tersa (07/12).

Tanba durante PNTL passa revista no prende transporte ne'e maioria karta kondusaun mak laiha no dokumentu la kompletu.

"Kada lorloron ita prende ne'e la'ós tan buat seluk, maioria sira ne'e nia karta kondusaun mak laiha, surat-surat sira la kompletu, ne'e loroloron”, informa nia.

Nune'e nafatin apela ba motorista sira atu respeitu ba orden públiku liliu trata dokumentu no karta kondusaun sira.

Tanba dalaruma motorista sira ne'ebé karta kondusaun ka dokumentu laiha ne'e hetan polísia tauk no halai entaun ne'e fó risku ba nia-an inklui ema seluk.(*)