"Kona-ba asidente tráfiku ne'ebé mosu iha orseik, iha Leader-Komoro nia oin, ne'ebé karreta mikrolete 010 ida soke motorizada Beat husi kotuk, no Vítima ne'e evakua kedas ba HNGV, tanba hetan kanek no suspeitu (kondutór) ita submete kedas ba sela detensaun 72 jam nian, tanba nia karta kondusaun laiha”, esplika Diretór Tránzitu Polísia Nasonal Timor-Leste (PNTL) Munisípiu Dili, Inspetór Domingos Sarmento Gama, iha Kaikoli, segunda (06/12).
Asidente mikrolete ho motorizada ne’e PNTL submete suspeitu ba ba sela detensaun tanba identifika nia karta kondusaun laiha no viola kódiku penal 207.
Ho nune'e komandante Polísia Tránzitu, nafatin husu ba motorista sira atu respeitu ba orden públiku, tenke iha dokumentu, hanesan karta kondusaun no seluk tan inklui kuidadu-an hodi la lori perigu ba ema seluk. (*)
