"Kombatentes veteranus no masas populáres CPD-RDTL Fretilin Mvimentu, Rejiaun Baukau, Vikeke, Lospalos no Manatutu dala ida tan, husu Prezidente Repúblika atu anula tiha kedas akordu husi Vice-PM ho Embaixadór Amerika loron 28 juñu 2021 kona-ba reabilitasaun aeroportu Baukau", dehan portavoz CPD-RDTL, Vitoriano de Jesus Sarmento iha Waihesi Aubaka, kinta (28/10).
Tuir sira, akordu ne'e, latuir vontade popular hodi viola lei-inan KRDTL artigu 1 pontu 1 ne’ebé koália kona-ba estadu direitu demokrátiku soberanu, indepedente no unitariu ida, tanba kaulker akordu ho rai seluk, tenke iha lei ida husi Parlamentu Nasionál tuir lei inan artigu 92 hodi asegura no hetan promulgasaun husi PR, tuir lei inan artigu 85, alina A.
"Aeroportu baukau ne'e, RDTL nia pontu estratéjiku, la'os eskola ka klinika ruma", nia dehan
Nune'e, husu PR fó resposta pozitiva ba povu mate restu nia aspirasaun, tuir lei haruka, tanba tuir delegasaun ne'ebé ofisíalmente hasoru Prezidente komisaun B Parlamentu Nasionál iha loron 28 Jullu tinan 2021 hato'o aspirasaun popular nian, kona-ba preukupasaun povu Maubere nia destinu iha futuru.
"Ami rekuza nafatin, tanba EUA nia vontade ba reabilitasaun ho oferta gratuita hodi buka falun nia planu real ba baze militár naval iha fatin estratejiku ne'e", nia dehan. (*)