Deskonfia Ema Na'in-2 Oho CS Iha Baguia

Tempotimor (Baukau)-Iha loron 21 Fulan-Outubru tinan 2021, maizoumenus tuku 11 oras Timor-Leste parte kalan, komunidade ida ho inisia CS tinan 51 husi Suku Alaua-Leten, Postu Administrativu Baguia, Munisípiu Baukau hakotu iis iha toos laran.

Hafoin akontesimentu, ekipa investigasaun Polísia  Nasionál Timor-Leste (PNTL) eskuádra Baguia no Munisípiu Baukau to'o kedas iha fatin hodi evakua vitíma ba Hospital Nasionál Guidu Valadares (HNGV) hodi submete ba prosesu autopsia, tanba deskonfia ema na’in-2 ho inisial AS no MDX sai hanesan suspeitu.

"Husi akontese ne’e mós ita suspeita sidadaun na’in-rua ho identidade inisiál AS idade 26 no MDX idade 54", informa Komadante Komandu PNTL Baukau, Superintendente Xefe Armando Monteiro ba jornalista sira iha kna’ar fatin, sesta (22/10).

Kazu ne'e, mós indikasaun balun iha vítima nia isin-lolon, maibé  sei fó tempu ba ekipa invenstigasaun liuhusi ezaminasaun hafoin bele hatene lolós no prosesa ba Ministériu Públiku.

"Iha sinál rua, iha ulun ida, tantu mós kaben mutin nafurin sai husi ninia ibun, tanba ne'e mak liuhusi ezaminasaun ida", dehan nia.

Tuir kronolojia, antes ne'e, iha mós problema balun entre vítima ho família hanesan Aman ho Oan, Aman ho vizinu, nune'e fó lai tempu ba parte investigasaun atubele deskobre motivu husi akontesimentu refere. (*)

Rate this item
(3 votes)
Last modified on Sunday, 24 October 2021 14:20
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter