Login to your account

Username *
Password *
Remember Me

UPF Fasilita GAM Hakat Fronteira, FM Husu Komandu PNTL Foti Medida Rigorozu

Tempotimor (Dili)-Organizasaun Sosiedade Fundasaun Mahein (FM) husu ba Komandu Polísia Nasionál Timor-Leste (PNTL) atu foti medida ho rigorózu ba membru husi Unidade Patrullamentu Fronteira (UPF) ne'ebé fasilita membru Grupu Arte Marsiál (GAM) sira hakat fronteira ho ilegál ba nasaun Indonézia.

“Ha'u hanoin ida ne'e sei deskonfia, seidauk iha provas, seidauk iha faktu katak nia fasilita, maibé deskonfia. Entaun, ita husu komandu atu halo identifikasaun ba membru ne'ebé deskonfia fasilita ita-nia sidadaun sira tama sai ilegál iha fronteira. Bainhira iha identifikasaun haree prova katak fasilita duni, tenke foti asaun ida rigor, liliu medida dixiplinar no medida criminal”, dehan Diretór Ezekutivu FM, João de Almeida, iha kna'ar fatin, Bairro Central, segunda (09/08).

Ba medida dixiplinar nian inetrmus sansaun sira tuir regulamentu no medida kriminál mak membru ne'e hanesan autoridade seguransa.

“Ida seluk hodi fasilita ita-nia sidadaun sira tama sai legál iha fronteira, nu'udár aktu dozobidiensia ba regra sira ne'ebé estadu aplika hela iha situasaun pandemia ida ne'e. Ida ne'e mak ami haree oinsá atubele trata kestaun sira hanesan tama sai ilegál iha fronteira, liliu deskonfia elementu balu husi PNTL fasilita ida ne'e”, dehan nia.

Komandante Operasaun Polísia Nasionál Timor-Leste, Superintendente Xefe, Pedro Belo hatete, kazu membru UPF fasilita sidadaun sira tama sai ilegál iha liña froteira, kabe ba komprténsia Komandante Jerál, Komisáriu Faustino da Costa nian.

Maibé, orientasaun husi Komandu PNTL, fó ordém klaru ba membru sira atu asegura ba ema hothotu, la'ós fasilita fali ema seluk hodi hakat fronteira.

“Ha'u hanoin, ida ne'e kompeténsia Sua exelénsia Komandante Jerál nian, iha ordém klaru tiha ona, katak iha misaun ida que klaru tebtebes iha polísia atu asegura ba ema hothotu, la'ós ba atu fasilita ema seluk. Ne'ebé sé de'it mak atu hato'o ba fali ba mete iha organizasaun, mete iha grupu, ninia prosesu la'o hela, dixiplinár la'o hela, ne'ebé kompeténsia sua exelensia komandante jerál sei halo prosesu tomak ba membru sira ne'ebé mak la loial ba instituisaun, la loail na estadu ida ne'e”, dehan nia.

Tanba ne'e, prosesu ba membru UPF ne'e tenke la'o nafatin no sei laiha toleránsia ba membru sira, tanba membru sira ne'ebé komandu destaka ba liña fronteita terrestre, ho misaun atu asegura seguransa ba fronteira nian.

“Maibé, la'ós ba atu tama fali iha grupu seluk. Nia atu fasilita, ita iha ona investigasaun tanba Sua Exelénsia Komandante Jerál ninia orientasaun klaru tiha ona ba departamentu justisa atubele investiga. Kuandu nia envolve duni, mak nia tenke simu nia konsekuénsia. Tanba iha rezolusaun governu ne'ebé mak fó sai ona katak, ba PNTL no F-FDTL ne'e zero toleránsia ba membru ne'ebé mak envolve iha arte marsiál”, afirma nia.

Bainhira membru PNTL ne'ebé hakarak envolve iha atividade GAM, siknifika nia lakohi atu iha polísia, no nia hakarak ba sivíl.

“Ita hotu tenke fiar ba ita-nia justisa, ita fiar katak Sua Exelénsia Komandu Jerál la nonook, la tama matan ba ema sira ne'ebé mak la loial ba instituisaun, la loial ba estadu ida ne'e”, hatete Belo.

Ho ida ne’e Departamentu Justisa PNTL halo hela prosesu identifikasaun no investigasaun ba membru UPF hafoin bele hatene loloos nia konkluzaun.

“Ita tenke fó fiar ba ita-nia investigasaun, kuandu remata ona, mak ita bele hatene katak nia envolve duni ka la’e. Sé nia la envolve, nia nafatin serbisu. Mais kuandu nia envolve, nia tenke simu nia konsekuénsia”, esplika nia. (*)

Rate this item
(0 votes)
Last modified on Monday, 09 August 2021 17:11
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter