Komemorasaun Loron Falintil, F-FDTL Sei Halo Promosaun Ba Ofisiál no Sarjentu

Vise Xefe Estadu Maiór Jenerál FALINTIL-Forsa Defeza Timor-Leste (F-FDTL), Maijór Jenerál, Domingos Raul ‘Falur Rate Laek’. Vise Xefe Estadu Maiór Jenerál FALINTIL-Forsa Defeza Timor-Leste (F-FDTL), Maijór Jenerál, Domingos Raul ‘Falur Rate Laek’. Foto Suplay

Tempotimor (Dili)-Vise Xefe Estadu Maiór Jenerál FALINTIL-Forsa Defeza Timor-Leste (F-FDTL), Maijór Jenerál, Domingos Raul ‘Falur Rate Laek’ hatete, iha komemorasaun loron FALINTIL  ba dala-46 ne’ebé monu iha loron 20 agostu sei halo promosaun ba ofisiál no sarjentu sira.

Tipu promosaun ne'e mak ofisiál, sarjentu sira no sira ne'ebé hetan kursu promosaun nian iha rai liur akadémia iha Japaun, iha fatin sira seluk nomós sira ne'ebé kursu iha Institutu Defeza Nasionál (IDN) ba kursu promosaun ofisiál superior sira.

Tanba atu promove ida ne'e tuir nesesidade ne'ebé sira promove depois kaer departamentu sira no seksaun tékniku sira administrasaun ninian.

“Kona-ba promosaun ba ema na’in hira, ne'e bainhira to'o iha ne'ebá mak hatete no pontu vital ne'ebé imi labele husu mak ida ne'e nain hira no kilat hira ne'e imi lalika husu”, afirma nia.

“Komemorasaun loron 20 Agostu ba dala-46 ne'e, sei iha promosaun, maibé depois loron 20 Agostu, mai fali halo promosaun iha Kuartel Jenerál de'it”, dehan Falur Rate Laek hafoin enkontru ho Xefe Estadu iha Palásiu Prezidensiál Bairupite, kuarta (04/08).

Iha komemorasaun tinan 2021 ne’e ho tema ‘Espiritu FALINTIL Nian, Ha'u Servi ba Rai no ba Povu Timor Leste ho Domin Tomak’ no planu ne'ebé F-FDTL atu halo hanesan ezersisiu dalan ba dame.

Ba ezersisiu dalan ba dame ne'e tuir planu sei la'o husi Dili, Manatuto, Lopalos hafoin termina iha fronteira mak tama fali mai Dili.

Antes  ne'e, Xefe Estadu Maiór Jenerál F-FDTL, Tenente Jenerál Lere Anan Timur hatete, komemorasaun loron FALINTIL ne'ebé monu iha loron 20 Agostu sei prienxe ho atividade tour FALINTIL dalan ba dame iha munisípiu Ainaro.

“Ami-nia planu sei provizóriu hela maibé ami-nia planu ida ne'e atu komemora loron 20 agostu, hanesan uluk nian mak halo eventu loron FALINTIL ne'e iha munisípiu sira la'ós iha Dili. Atividade mak tour FALINTIL dalan ba dame iha Ainaro”, dehan Lere iha Palasiu Prezidensiál Bairupite, kuarta (28/07). (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter