“Kona-ba fardamentu ne'e prontu ona karik, ami la bá rekruta ona, la'o fali hanesan ne'e, seidauk prontu ne'e mak alterasaun iha data fiksu”, dehan Falur iha palásiu prezidensiál Bairopite, kuarta (04/08).

Maske prosesu la'o dadauk hela, loloos ne'e ajenda ka planu ne’ebé bolu ditadura de tempu ne'e fiksu maibé tanba situasaun Corona halo rekrutamentu balun sei iha kuarentena.

“Buat sira ne'e hotu taun apoiu lojistiku sira ne'ebé ita depende ba uniforme fardamentu sira mai husi rai li'ur, ne'ebé Corona ne'e mundu tomak la'ós Timor de'it ne'ebé ami-nia ezekusaun ne'e sei iha fleksibilidade oituan”, hatete nia.

Antes ne'e, Xefe Estadu Maior Jenerál FALINTIL-Forsa Defeza Timor-Leste (F-FDTL), Tenente-General Jenerál Lere Aman Timur deklara, ona katak rezultadu teste membru foun sei anunsia iha fulan-Agostu tinan 2021.

“Prosesu selesaun rekrutamentu ba membru F-FDTL foun hotu ona, sira ne'ebé corona seidauk, mais na'in hira de'it, maibé ha'u bele dehan se fulan ida ne'e la anunsia, pelumenus prinsipiu fulan-Agostu anunsia ona sé mak liu no sé mak la liu”, dehan Lere. (*)