Tuir estudante ida ne'ebé mós vítima ba inséndiu ne'e katak, derepente de'it ahi han ona uma komunidade nian, entaun tenta atu salva sasan sira, maibé la konsege, tanba ahi lakan maka'as ona.
"Ahi han kuaze uma 100, entaun komunidade barak mak lakon nia sasán. Bombeirus mós mai rega ona, maibé ahi kontinua lakan maka'as," dehan vítima ne'e ba www.tempotimor.com, Kinta (29/07).
Vítima ne'e afirma, motivu husi ahi han uma ne'e sidauk hatene loloos.
Ho akontesimentu ne'e, parte bombirus to'o kedas iha fatin hodi salva komunidade nia uma no sasan, maibé la konsege, tanba ahi lakan ho volume ne'ebé maka'as ona.
Entretantu observasaun www.temporimor.com iha terenu nota katak, komunidade maioria evakua ba estrada públiku parte Eskola Sekundária Jerál (ESJ) 10 de Dezembru Komoro nian hodi salva aan husi akontesimentu ne'e.
Ho situasaun ne'e, komunidade barak lakon ninia sasan no uma, no salva aan de'it husi inséndiu ne'e tanba trauma.(*)