Falur Aprezenta Progresu Rekrutamentu F-FDTL Ba PR Lú Olo

Vise Xefe Estadu Maior Jenerál Falintil-Forsa Defeza Timor-Leste (F-FDTL), Major Jenerál Falur Rate Laek Vise Xefe Estadu Maior Jenerál Falintil-Forsa Defeza Timor-Leste (F-FDTL), Major Jenerál Falur Rate Laek foto Google

Tempotimor (Dili)-Vise Xefe Estadu Maior Jenerál Falintil-Forsa Defeza Timor-Leste (F-FDTL), Major Jenerál Falur Rate Laek, hamutuk ho Xefe Estadu Maior F-FDTL Brigadeiru Jenerál Coliati aprezenta progresu rekrutamentu membru F-FDTL ba Prezidente Republika (PR), Francisco Guterres 'Lú Olo' iha palásiu prezidensiál Bairopite.

“Ami mai ne'e, Xefe Estadu Tenente Jenerál Lere Anan Timur la mai, mais ami na'in-1 mai aprezenta situasaun jerál pais, iha momentu ida agora ne'e ami foku liuba situasaun espesifiku ne'ebé halo rekrutamentu foun ba selesaun rekrutamentu iha Metinaro no nia prosesu ida ne'e de'it”, informa Falur hafoin reuniaun ho Prezidente Repúblika iha palásiu prezidensiál Bairopite, kuarta (16/06).

Maibé kona-ba kandidatura na'in hira mak esklui ka pasa iha teste ne’e hein de'it tempu badak sei hato'o nia rezultadu ba públiku no ba konkorente sira.

“Ha’u hanoin ita-boot sira hein dala ruma imi hetan informasaun barak liu ha'u, ne'e la'ós ha'u-nia área ha'u parte administrasaun finansas no aprovizionamentu, ne'e xefe Estadu Maior nia maibé la'ós ami ko'alia bebeik maibé imi mós tenke sente kontribui di'ak labele halo degradasaun ba sentidu patriota nazionalismu iha ita-nia rai ne'e tenke limita ita-nia pergunta”, deklara Falur.

Kona-ba rekrutamentu F-FDTL meius ne'e barak hanesan seleksaun dokumentu, aprezenta ho rekejitu ida Corona nian, intervista, sukat altura hafoin teste matan, Tilun, halo ezersisiu fiziku, eskrita no orál hafoin soma pontu ne’ebé hetan hodi foti desizaun.

“Ikus mak bele foin haree rejultadu hotu hodi deside se mak pasa no semak lapasa”, haktenik nia.

Kona-ba situasaun jerál dadaun ne’e di'ak maske mundu hasoru mak Corona Virus ne'e, maibé númeru menus ona tanba ema barak kumpre ona regra husi organizasaun mundiál saúde no ministériu saúde hoodi simu vasina.

“Situasaun ba arte marsál mós ema barak toma konsiénsia ona tanba ne'e redúz ona problema”, relata nia.

Maibé husu ba sidadaun hotu liliu orgaun komunikasaun sosiál sira atu hato'o mensajen liuhusi edukasaun sivika ba joven sira ne'ebé mak iha liur, nune'e bele hanoin ba futuru.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter