Aliende ne’e, prende mós evidénsias hanesan motorizada no karreta hamutuk 158, tanba vióla kódigu rodaviária.
"Iha fulan-abríl nia laran, ita konsege prende evidénsias karreta ho motorizada hamutuk 158 evidénsias. Ita passa tiket, nota infrasaun ba sira hamutuk 174. Ita mós iha fulan-abríl, ita konsege rekolla osan U$6,929 dollár”, informa Komandante Tránzitu Munisípiu Dili, Inspetór Polisia, Domingos Sarmento Gama, iha nia kna'ar fatin Kaikoli, tersa (25/05).
Entretantu, koimas ne'ebé PNTL rekolla hahú inísiu fulan-maiu to'o loron tersa (25/05) hatama ona reseita ba estadu ho valór orsamentu hamutukUS$5,367.
"Ida ne'e mak ita hatama ba kofre estadu", dehan nia.
Nune’e mós, asidente sira ne'ebé mosu iha fulan-abríl, ho númeru hamutuk 34, maibé iha fulan-maiu ne’e sei rejísta asidente hamutuk 26.
"Husi Abríl to'o mai fulan-maiu agora, ita iha asidente fatál rua, ida asidente iha área Bekora, ida fali asidente iha área Dom Aleixo nian”, afirma nia. (*)
