Login to your account

Username *
Password *
Remember Me

FM: Komandu PNTL Budu Kazu Asaun Kriminal husi Membru

Logo Polisia Nasional Timor-Leste (PNTL). Logo Polisia Nasional Timor-Leste (PNTL). Foto Suplay

Tempotimor (Dili)-Organizasaun Sosiedade Sivíl husi Fundasaun Mahein (FM) konsidera komandu Polísia Nasionál Timor-Leste (PNTL) laiha transparánsia no budu prosesu investigasaun ba kazu asaun kriminal husi membru sira durante ne’e.

Maske, halo prosesu investigasaun dixiplinár no kriminál ba nia membru sira ne'ebé komete aktu 'kríme' ruma hasoru komunidade la’o nafatin, maibé komandu budu kazu.

"Purtantu, durante kazu sira hanesan ne'e, PNTL liu-liu komandu budu kazu sira hanesan ne’e, to'o ema hotu la hatene, ninia finalidade ne’e to'o iha ne'ebé”, dehan Deretór ezekutivu FM, Joăo Almeida iha kna'ar fatin, Bairro Central, segunda (24/05).

Tanba ne'e, husu komandu nakloke, no prosesu investigasaun ida la'o transparante, ema hotu bele akompaña, hola medida ida ne'ebé, rigór hasoru asaun ne'e rasik, tantu prosesu dixiplinár, nomós prosesu kriminal ninian.

Bainhira prosesu hotu atu la'o ho transparánsia, públiku sira tenke akompaña no envolve direta mós husi Provedória dos Direitos Humanos e Justiça (PDHJ) ba kazu sira ne'e.

"Tanba ne'e, mak ninia finalidade komandu tenke sériu, komandu la'ós defende fali atu sira ne'ebé povu la aseita, ema hotu la aseita e komandu la'ós argumenta fali liafuan mamuk seluk ne'ebé hodi justifika asaun brutalidade, asaun kríme, asaun bandalízmu iha terrenu”, dehan nia.

Nune’e, komandu PNTL laiha ona seriedade atu prosesa nia elementu sira ba sansaun ne'ebé todan liu, nune'e bele evita atu hanesan akontese iha futuru.

"Konserteza, tanba sé laiha ona nia finalidade ita hotu lahatene, ne'e signifika katak laiha seriedade e bele mós sira taka malu, e kazu ne'e rasik labele la'o ba oin”, afirma ina.

Tuir rezultadu monitorizasaun husi FM, hahú inísiu implementa estadu emerjénsia, serka sanitária, membru PNTL sira vizível duni iha fatin públiku sira hodi fó sensibilizasaun informasaun ba komunidade sira oinsá hasees-an husi propagasaun surtu covid-19 iha TL. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter