Halo investigasaun, tanba dadaun ne'e governu deklara ona konfinamentu domisiliáriu obrigatóriu hodi bandu ema halibur malu, maibé sira loke fali festa.
"Oras ne'e dadaun PNTL liuhusi SIK halo ona investigasaun ba festa na'in hamutuk na'in rua kompostu husu Oan no Inan, ho inisial CP (inan) no Oan JAP, agora dadaun investiga ona no mos SIK sei bolu ema sira ne'ebé momentu ne'eba organiza iha seremonia festa refere," dehan Portavoz PNTL Superintendente xefe, Arnaldo de Araújo, iha Komandu Jerál, kaikoli, kinta (06/05).
Arnaldo rasik rekuiñese Polísia mós, antes ne'e iha duni fatin festa ne'e, maibé maneira atuasaun, no kapturasaun ne'ebé PNTL halo la presija públiku atu hatene.
"Polísia iha nia tatika ho nia maneira," dehan Arnaldo
Tanba ne'e, dadaun prosesu la'o hela, kualker sidadaun ne'ebé involve iha festa momentu ne'eba sei hetan hotu investigasaun. (*)