Tanba, teste ne'e, implementa bazeia ba rezulusaun governu númeru 15 artigu 8 e 10 ne'ebé mak hatete obrigatoriumente sidadaun tenki Swab.
"Ita hotu labele rekuza ba asuntu ida-ne'e, ita hatene katak rezulusaun governu númeru 15 sidadaun sira ne'ebé mak rejiste ou ba halo ezeminasaun mediku diagnóstiku obrigatoriu ida ne'e sei sujeita pessoal sira-nia izolamentu konfinamentu obrigatoriu," dehan Portavoz Komandu Jerál Polísia Nasionál Timor-Leste (PNTL), Superintendente xefe Arnaldo de AraújoD kaikoli, Kinta (06/05).
PNTL husu hotu-hotu atu kumpri teste Swab obrigatóriu, tanba ne'e hanesan parte prevensaun ba Covid-19.
"PNTL hala'o servísu hamutuk ho Ministériu Saúde (MS) halo swab ba komunidade sira ne'ebé la kumpri konfinamentu domisiliáriu jerál (KDJ)," dehan Arnaldo
Tanba ne'e, bainhira komúnidade ne'ebé mak lakohi kumpri atu halo teste Swab, PNTL hamutuk ho Ministériu Saúde (MS) sei transporta ba fatin kuarentina, no séi selu rasik.
"Sira lakohi, obrigatóriu Polísia akonpanã ho MS lori sira ba fatin ne'ebé MS prepara iha ne'eba, e ba kustus sira mak sei responsábliza nia aan rasik," dehan Arnaldo.
Nune'e, husu ba komúnidade hotu atu kumpri no PNTL sei apoiu tótal ba MS atu aplika Swab obrigatóriu. (*)