Taur Husu PNTL Kaer Grupu Boatu Tsunami

Primeiru Ministru Taur Matan Ruak Primeiru Ministru Taur Matan Ruak Foto Lirio

Tempotimor (Dili) - Primeiru Ministru (PM), Taur Matan Ruak, husu ba Vise Ministru Interios atu orienta Polisia Nasional Timor-Leste (PNTL) kaer Grupu ne’ebé lansa boatu tsunami iha tempu kalan.

Tanba, grupu ne'e kalan ho karreta la'o hodi soe boatus katak, tasi sa'e, ne'e tenta atu estraga ema seluk hakmatek iha tempu kalan.

“Ha'u fó instrusaun ba Vise Ministru Interior, no Polísia hakarak identifika sé mak kalan soe boatu halo pániku populasaun sira, tanba ema balun hodi kalan halai tanba, soe boatus dehan, tsunami sa'e, sé ha'u hetan sira haruka kaer hotu sira hatama ba Bekora (Prizaun)”, dehan Taur iha Taibessi, tersa (06/04).

Nune'e, PM Taur apela ba komunidade sira labele fiar no hakmatek, tanba iha ema balun hakarak estraga situasaun iha tempu kalan.

“Apela ba populasaun sira labele fiar, tanba iha grupu ida kal-kalan la'o ho karreta hakilar dehan, tsunami sa'e”, afirma nia.

Xefe governu konsidera atetutede ema hirak ne'e nian, hanesan inimigu ba nasaun, tanba iha situasaun ne’ebé hakmatek sira tenta atu halo komunudade sira paniku.

"Tanba, sira ne'e inimigu ita-nian nasaun nian, ita -ia nasaun estádu emerjénsia, kalamidade, ita labele halimar ho ema ida ou rua, tanba de'it nia beik oituan, estádu nia papel mak líder nasaun tau matan ba nasaun kontra hotu hahalok aat ema nian”, dehan Taur.

Tanba ne'e, husu komúnidade lalika fiar, iha ema balun ne'ebé la gosta nasaun Timor-Leste hodi estraga estabilidade iha situasaun Estadu Emerjénsia nia laran.

"Iha ema ké la gosta ita-nia rain, ne'e naturálmente, uluk mós balun la gosta, agora mós balun sei iha ké la gosta, mas ita husu sira para kuidadu sira labele terlalu liu”, Taur fó atensaun.

Maske Timor-Leste hanesan nasaun direitu demokrátiku, maibé lei mak sei regula ema hotu, tenke komprende ida ne'e. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« June 2021 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter