PNTL Kontinua Asegura Pontu Entrada Iha Dili

Segundu komandante PNTL munisipiu Dili, Superintendente Polísia Euclides Belo ko'alia hela ba média sira iha nia kna'ar fatin Kaikoli, kuarta (07/04/2021) Segundu komandante PNTL munisipiu Dili, Superintendente Polísia Euclides Belo ko'alia hela ba média sira iha nia kna'ar fatin Kaikoli, kuarta (07/04/2021) Foto Tempo Timor

Tempotimor (Dili) - Polísia Nasional Timor-Leste (PNTL) liuhusi komandu Munisípiu Dili kontinua asegura nafatin pontu entrada sira iha Munisípiu Dili hodi evita sidadaun sai husi serka sanitária no konfinamentu domisiliáriu jerál.

Segundu Komandante PNTL Munisípiu Dili, Superintendente Polísia Euclides Belo dehan, maske estrada ligasaun Munisípiu Aileu ho Dili iha Beduku Manleuana nian kotu, maibé membru sira kontinua asegura iha postu foun.

"Portaun entrada ita sei koloka nafatin, mezmu ke Beduku iha tempu udan ne'e, estraga totál hotu kedas no muda tun fali mai kraik, maibé ita orienta para iha vizibilidade hodi garante nafatin ita-nia komunidade sira para kumpri nafatin regra estadu emerjénsia no serka sanitária iha munisipiu Dili”, hatete komandante Euclides iha Kaikoli, kuarta (07/04).

Maske udan ho inundasaun, maibé komandu PNTL Munisípiu Dili apresia ba nia pesoál sira ne'ebé garante nafatin seguransa, tanba durante ne'e sira halo esforsu maka'as tebes.

Husu mós ba komunidade sira iha kapitál Dili no Munisípiu bainhira hakarak atu tama-sai, tenke tuir prosedimentu protokoler ne'ebé hasai husi sala situasaun-Sentru Integradu Jestaun Kríze (SIJK) nian.

"Katak sira ne'ebé mak iha gia-marsa, mak ita bele autoriza sira tama, ou sai. PNTL sei la fó tama sira ne'ebé mak foin tuir swab teste de'it, maibé gia-marsa laiha, ita sei la autoriza para tama ho sai”, dehan nia.

Tanba ne'e, PNTL Munisípiu Dili nafatin ezekuta regra ne'ebé hasai husi SIJK, no husu komunidade atu kumprimenta.

Maibé, dadaun ne'e PNTL Munisípiu Dili destaka mós nia membru sira hodi halo seguransa ba vítima inundasaun sira ne'ebé oras ne'e hela provizóriu iha sentru evakuasaun sira iha kapitál Dili hanesan, edifísiu MF, SPES, CVTL, Liceu-UNTL, Infordepe inklui Dom Bosco-Komoro. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« June 2021 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter