Faustino dehan, maske saláriu ba fulan dezembru tinan kotuk sira simu ona, maibé preukupasaun boot liu maka saláriu ba désimu terseiru mak to'o oras ne'e, membru barak seidauk hetan.
"Kestaun ka preukupasaun oitoan maka désimu terseiru ba iha dezembru nian ne'e mak balu seidauk, maibé komandu mós ita la nonok hela, ita aprezenta ona dadus ka karta sira-ne'e ba iha parte relevante," Komisáriu Faustino da Costa ba jornalísta sira, iha Palásiu Prezidensiál, Bairru-Pité, kinta (04/02).
Komisáriu Polísia ne'e lakohi fó-sai membru hirak seidauk simu maibé nia dehan de'it maioria mak seidauk simu.
Maske nune'e nia dehan, ida ne'e asuntu sistema nasionál nian, la'os PNTL mesak mak buka rezolve, maibé sempre servisu hamutuk ho governu liuhusi Ministériu Finansa (MF).(*)