Komisáriu Mateus Fernandes, esplika dadaun ne'e, estatutu ne'e rasik too ona iha gabinete Primeiru Ministru Taur Matan Ruak nian.
Komisáriu Polísia ne'e espera, iha tempu badak, governu liuhusi Konsellu Ministru halo ona aprovasaun, sira bele ona realiza kursu topu ba membru sira.
"Hdi hatudu ba populasaun no komunidade sira katak, polísia hakarak hatudu ida-ne'ebé the best on the best no sei hakarak forma institutu siénsia polisiál ne'ebé iha kompozisaun oioin iha laran," diskursu Komisáriu Mateus Fernandes bainhira halo abertura graduasaun ba ofisiál sira iha Centro Formaçăo Polícia (CFP), Komoro, sesta (22/01).
Nia hateten, alende planu ida ne'ebé iha, sira mós iha informasaun rua ne'ebé presiza superiór no ofisiál hotu atu asesu.
Nune'e mós tau atensaun ba peskiza ida-ne'ebé ko'alia defence to the peace, husi universidade Brazil nian ne'ebé sai hanesan indeks hodi sukat nasaun sira iha mundu ho tipu estadu ne'ebé asegura seguransa ho pás
Nia haktuir, iha tinan 2005 pozisaun Timor-Leste nian tama iha ranking 132 husi nasaun 178, maibé TL mak predikadu maiór kompara ho nasaun sira seluk iha mundu.
Nia hatutan, tuir relatóriu anuál indeks nian kona-ba human development indeks, hatudu katak TL mós tama iha kategória médium human development indeks.
"Haree ba planu, hanesan ohin ha'u temi, oitavu governu konstitusional hakarak atu profisionaliza no moderniza PNTL, mak komandu jerál PNTL fó atensaun ba peskiza no relatóriu mensiona katak dezenvolvimentu kapitál umanu polisiál sei foka liu ba buat ida ema bolu dehan katak interdiscipliner science ho multi discipliner science ho percent IT", dehan nia.
Nia afirma, maske PNTL hasoru dezafiu no difikuldade oinoin, kuadru superiór no ofisiál sira komesa hatudu ona, nune'e bainhira governu aprova ona sira nia-nia estatutu pesoál, membru sira la presiza tan ba tuir formasaun iha nasaun liur.
"Mai oin ita lalika sai beibeik ba liur para ba hasai kursu estadu maiór topu ka estadu maiór polítiku ho siénsia polisiál iha li'ur, maibé ita rasik. Ita konvida ita-nia maluk sira CPLP mai kursu iha-ne'e, hanesan mós nasaun sira seluk", afirma nia.
Tuir nia, planu ne'ebé atu hala'o sai hanesan maneira ida hodi kria diplomásia entre nasaun CPLP ho ASEAN liuhusi formasaun ne'ebé halo daudaun iha Centro Formaçăo Polícia (CFP) iha akadémia PNTL nian.
"Centru hala'o hela, ne'ebé enerjétiku loos, ita espera, espíritu sira ne'e kontinua forte liután hodi serví ita-nia povu no nasaun", dehan nia.(*)
