La deteta Droga iha Estátua, PN Lamenta Frakeza Autoridade Hatudu Prova 'Falsu'

Sinal iha Nossa senora do Carmo nia ain ne'e konfundi Autoridade sira Sinal iha Nossa senora do Carmo nia ain ne'e konfundi Autoridade sira Foto Espesial

Tempotimor (Dili)- Reprezentante Povu ija uma fukun Parlamentu Nasionál (PN) lamenta servisu Polísia Nasionál Timor-Leste (PNTL) ne'ebé halo investigasaun ba kazu deskonfia droga iha estátua Nossa Senhora de Assunção tanba to'o ikus mai hatudu prova falsu.

Prezidente Komisaun A ne'ebé trata asuntu Justisa no Konstitusionál, Deputadu Joaquim dos Santos, hateten bainhira iha ona deskonfia ruma presiza halo verifikasaun kle'an molok foti desizaun no labele hatudu rezultadu idetifikasaun falsu.

Timor Leste iha ona ekipamentus X-Ray sira ne'ebe ho kualidade a'as maibe menus rekursu ema sira ayu le'e rezultadu husi makina modernu sira ne'e.. Nune'e reprezentante povu ne'e, bainhira atu deskonfia buat ruma, presiza halo uluk peskiza nomós iha prova maibé molok to'o iha konseitu deskonfiansa ninian, polísia presiza iha nia indikasaun.

"Ida-ne'e indika mós katak sistema servisu instituisaun seguransa nasaun nian fraku. Indikasaun ne'e mak lori ita ba peskiza, verifika nia verasidade no indikasaun ne'e tenke verifika labele falsu, mas kuandu akontese verifikasaun falsu signifika ita-nia sistema servisu seguransa ladún di'ak, nune'e bele fo prejuizu ba ita nia estadu. Ha'u hanoin governu bele tau atensaun ba ida ne'e," Deputadu Joaquim dos Santos informa ba jornalista sira iha PN, sesta (22/01).

Iha fatin hanesan, Membru PN, Deputadu Francisco David Xavier Carlos, hatutan, públiku tomak laiha dúvida ho servisu Polísia nian ne'ebé durante hatudu, maibé husu atu ezekuta duni orden servisu ne'ebé ho profisionál.

"Polísia presta nia servisu ne'e ita hotu nia esperansa tenke profísionál di'ak liután, embora informasaun bele tama maibé tenta atu hatene di'ak liután lai antes prova", fó hanoin Xefe Bankada UDT ne'e.

Entertantu Ekipa konjunta ne'ebé kompostu husi Servisu Investigasaun Kriminál Nasionál (SIKN), Polísia Militár (PM), Servisu Nasionál Intelijénsia (SNI), Alfándega liuhusi departamentu Anti Fraude, sobu illas Nossa Senhora de Assunção, iha kuartel jeral PNTL, kaikoli, Dili, (21/01), la deteta matéria droga ruma iha estátua laran, maibe iha de'it rai mean ne'ebé hatodan ba estatua ne'e, no ekipa lori ona ba hala'o teste iha laboratóriu nasionál hatudu rezultadu la'os droga.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« February 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28

Tempo Timor Networks