Polísia Kaptura Tán Autór Na'ok Motorizada Iha Sidade Dili

Segundu Komandante PNTL munisípiu Dili, Superintendente Polisia, Euclides Belo halo konferensia imprensa relasiona ho kazu furtu husi suspeitu na'in rua TDA no ADC iha Komando PNTL Munisípiu Kaikoli Dili, Kinta (21/01) Segundu Komandante PNTL munisípiu Dili, Superintendente Polisia, Euclides Belo halo konferensia imprensa relasiona ho kazu furtu husi suspeitu na'in rua TDA no ADC iha Komando PNTL Munisípiu Kaikoli Dili, Kinta (21/01) Foto Tempo Timor

Tempotimor (Dili) - Komandu Polísia Nasionál Timor-Leste Munisípiu Dili konsege kaptura tán autor na'in-rua ne'ebé durante ne'e na'ok motorizada iha sidade Dili.

Segundu Komandante PNTL Munisípiu Dili, Superintendente Polísia Euclides Belo, esplika suspeitu na'in-rua ho inisiál TDA no ADC PNTL Munisípiu Dili kaptura repasiona ba kazu furtu argravadu ho evidénsia motorizada tolu ne'ebé daudaun ne'e sei iha Komandu PNTL Munisípiu, Dili, Kaikoli.

Euclides akresenta, Komandu Munisípiu Dili servisu hamutuk ho entidade relevante hodi ezekuta mandadu detensaun husi Tribunál nian númeru 0642/20 hodi halo kapturasaun hanesan parte kontinuasaun ba kazu furtu ne'ebé mak semana rua kotuk liu halo kaptura ba suspeitu na'in-tolu ne'ebé daudaun responsáblidade ba aktu krime ne'ebé suspeitu sira komete iha prizaun prenventiva.

"Ninia kontinua mak Polísia promove no semana ida-ne'e ita hetan tán mandadu ho númeru rejistu kriminál 0642/20 hodi kumpri no kaptura sidadaun na'in-rua tán ne'ebé ligadu mós ho krime ne'ebé hanesan furtu ," dehan Euclides iha Kaikoli Dili, kinta (21/01).

Euclides esplika, autór na'in-rua ho inisiál TA no ADC iha relasaun família ho autór seluk ne'ebé antes ne'e PNTL Kaptura.

Maske nune'e, Segundu Komandante PNTL Munisípiu Dili, hateten iha krime bele iha relasaun família maibé autór ida mak halo krime na'in rasik mak hatán iha justisa.

Entertantu totál evidénsia motorizada ne'ebé PNTL Munisípiu Dili halo apreensaun hamutuk 22 ne'ebé mak antes ne'e 19 motorizada iha ona Ministériu Públiku no tolu seluk sei iha PNTL Munisípiu Dili.(*)

Rate this item
(0 votes)
Last modified on Thursday, 21 January 2021 14:25
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« February 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28

Tempo Timor Networks