Deskonfia Lori Droga Haksumik ho Estátua, Komisaun B husu PNTL-PSIK loke investigasaun

Iha Ilas Nossa Senora nia ain okos mosu sinal ne'ebe deskonfia hanesan droga Iha Ilas Nossa Senora nia ain okos mosu sinal ne'ebe deskonfia hanesan droga Foto Suplai

Tempotimor (Dili)- Komisaun B iha Parlamentu Nasional ne'ebé trata asuntu negósiu estranjeiru, defeza ho seguransa husubPolísia Nasionál Timor-Leste (PNTL) ho Polísia Siéntifika Investigasaun Kriminal (PSIK), atu halo prosesu investigasaun ba kazu lori drogra ne'ebé tau iha estátua laran mai iha Timor-Leste hodi liu ba munisípiu Lautém.

Membru husi Komisaun B-PN, Deputadu David Dias Ximenes "Mandati" hatete, bainhira PNTL ho PSIK hetan evidénsia sira, husu atu kontinua ona ho prosesu imvestigasaun ba sidadaun ne'ebé lori droga tama mai área TL nian.

"Ida ne'e ami la hetan informasaun, karik PNTL ou PSIK hetan ona, entaun tenke investiga ona. Sé mak halo ida-ne'e, ne'e tenke investiga kedas, primeira vez nia halo ka halo beibeik ona", dehan membru komisaun B PN, David Dias Ximenes "Mandati" iha PN, kuarta (20/01).

Nia dehan, bainhira iha prosesu investigasaun mak identifika autór ba kazu karik antes ne'e halo beibeik ona, signifika durante ema barak bele tama ona iha kazu ne'e, hanesan ema sira fumadór sigaru ka tabáku sira inklui seluk tan.

"Ne'ebé ida-ne'e hanesan Ita-boot sira dehan n'ee, tenke investiga lalais para depois labele kona fali ba ita nia joven sira", dehan Mandati.

entretantu, tuir Informasaun husi autiridade ida iha Batu Gade ba tempo Timor katak estatua Nosa senora nian ne'e to'o iha Batugade iha inisiu fulan Dezembru 2020.

"Ami halo X-Ray no deteta iha bu'at balun ke deskonfia hanesan Droga maibe tan ba ne'e illas Nain Feto nian entaun ami hasoru dilema bo'ot. Nune'e ami nia bi'ot sira husu Madre sira maka mai foti lori ba Lospalos," dehan pesoal ida ne'ebe husu www.tempotimor.com labele publika nia naran. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« March 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks