Suspeitu na’in haat ne'e husi Kompañia Nasionál R2M IT Solution kompostu husi ema na'in 4 ho naran inisiál mak hanesan, MG, JXS, KEC no NPS ne'ebé SIKN aplika detensaun fragrante delitu iha sira nia servisu fatin, R2M IT Solution, Hodi Laran, Díli, Segunda (21/12).

Alende ne'e, SIKN mós lori traballhadór na’in haat husi Kompañia Global Net hanesan JFGX, HIW, HBT no AM hodi halo prosesu indentifikasaun kona-ba sira-nia servisu ligadu ho internet.

SIC halo mós investigasaun ba data center Kompañia R2M IT Solution hodi halo aprensaun ba materiá sira hanesan, Teleport ida, Teleport simu liña internet ida, laptop rua inklui printout dadus sira ne’ebé ligadu ho prosesu fornesimentu internet nian durante ne’e.

Ekipamentu sira ne’ebé SIKN sobu, durante ne’e kompañia utiliza hodi halo koneksaun liña internet ilegál husi satellite Kapasific Singapura hodi fornese mai Timor-Leste.

Entretantu, ekuandu Kompañia Kompañia Globál nian, SIKN deteta katak sira uza satelite Eurostar Satelite internasionál nian ne’ebé la rejísta ninia identidade iha Timor-Leste.

Durante halo investigasaun, SIKN deteta mós Kompañia R2M durante ne’e la regístu ninia identidade iha Autoridade Nasionál Komunikasaun (ANC) hodi hetan lisensa internet suply provider.

Hafoin SIKN halo operasaun, no identifikasaun, iha Kompañia R2M ho Global Net, parte suspeitu sira koopera hodi hatudu fatin data center kona-ba sistema fornesimentu internet ilegál hodi sobu mós ekipamentu balun.

Entretantu iha servisu fatin, Kompañia Global Net nian, SIKN rekolla mós dadus no aprénsaun ba ekipamentu no dadus fornesimentu internet nian.

Dadadaun ne’e suspeitu sira kumpre prosesu investigasuan no sei detein iha sela Polísia durante oras 72, molok aprezenta ba primeiru interrogatóriu iha Tribunál Distritál Dili.(*)