Xefe Departamentu Administrasaun no Planeamentu PNTL, Superintendente Polísia Calistro Gonzaga hateten katak, sorumutu ida ohin haree liu ba planu asaun munisipál nian ne’ebé liga ba servisu Polsiamentu Komunitáriu nian.

“Uniformiza hodi hetan apoiu husi ajénsia internasionál sira, tanba iha relasaun lubuk ida ne’ebé ita halo, para munisípiu seluk mós hetan formasaun para balansu,” Superintendente Polísia Calistro hateten iha Ótel Tower Fatuhada, Sesta (11/12).

Nia afirma, iha diskusaun ne’e ko’alia liu kona-ba prosedimentu saida mak atu ajusta normas sira ne’e.

Superintendente Polísia ne’e mós subliña katak, planu ne’e implementa ona, maibé presiza ajusta fila fali atu iha 2021 bele la’o ho ida ne’e. (*)