Portavoz Komandu Jerál PNTL, Superintendente xefe Arnaldo Araújo hateten, kada tinan, komandu sempre hasai diretiva ba komandu munisípiu sira hodi bele halo tuir liu-liu asegura atividade povu nian iha festa natal no tinan foun.

"Sira tenke halo planu operasaun iha sira-nia munisípiu rasik ne'ebé haree liu ba seguransa enjerál iha sira-nia munisípiu para evita ema tama sai, evita ema hemu tua iha dalan públiku no konflitu sira," Arnaldo hateten liuhusi konferénsia imprensa iha salaun Sentru Formasaun Polísia (SFP) Komoro, Kinta (10/12).

Komandante ne'e afirma, diretiva ne'ebé komandu jerál fó sai ne'e munisípiu sira tenke implementa, importante mak situasaun iha munisípiu di'ak no trankilu, nune’e iha 24 no 25 Dezembru, 31 to'o 1 Janeiru ema bele ba misa ho di'ak.(*)