Login to your account

Username *
Password *
Remember Me

Kuidadu, Sunu Fugete Polísia sei Kaer!

Komjer PNTL Faustino da Costa ko'alia ba jornalista sira iha palasiu Prezidensial Bairro Pite Dili Komjer PNTL Faustino da Costa ko'alia ba jornalista sira iha palasiu Prezidensial Bairro Pite Dili Foto Arkivu

Tempotimor (Dili)-Komandante Jerál Polísia Nasionál Timor-Leste (PNTL) Komisáriu Faustino da Costa alerta ba públiku katak, kuidadu, sunu fugete no paison iha de’it loron boot, labele sunu arbiru iha loron bai-bain.

Tuir nia, iha loron boot sei iha toleránsia, maibé loron bai-bain, laiha autorizasaun husi PNTL.

"Sunu fugetes ne’e anaunser iha autorizasaun, maibé iha loron bai-bain mós la autoriza atu tiru ba se de'it, maibé iha loron boot hanesan 25 Dezembru no 31 Dezembru ne'e ita sei bele tolera, maibé la'ós loron bai-bain mós tarutu iha kintu-kantu," Faustino hateten iha Sentru Formasaun Polísia (SFP) Komoro, Kinta (10/12).

Iha fatin seluk, Portavoz Komandu Jerál PNTL Superintendente xefe Arnaldo Araújo mós aviza ba inan-aman sira atu kontrola oan sira ne'ebé tiru fugetes arbiru, tanba PNTL hetan sei kaptura.

"Husu ba inan-aman sira atu kuidadu oan kiik-oan no joven sira ne'ebé agora daudaun sunu fugetes no paison iha fatin-fatin, tanba ita hatene katak, Komandu Munisípiu Dili halo ona kapturasaun ba ema balun ne'ebé faan fugetes ilegál no detein hela iha KMD, tanba ne'e husu ba ema hotu inklui komersiante sira atu labele faan no sunu arbiru," nia alerta.

Komandante ne'e subliña, bainhira informasaun husi komandu sai ona ba públiku katak, bele sunu fugetes, mak foin bele sunu, tanba ne'e apela ba parte hotu presiza koopera.

Entretantu, sidadaun ho inisiál MA ne'ebé molok ne'e PNTL munisípiu Dili kaptura iha postu administrativu Dom Aleixo ne'e iha loron (2/12) tanba faan fugetes ho ilegalmente.(*)

Rate this item
(0 votes)
Last modified on Friday, 11 December 2020 08:17
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter