Komjer PNTL Rona Preokupasaun Komandante Munisípiu Sira

Komandante Jerál (Komjer) Polísia Nasionál Timor-Leste (PNTL), komisáriu Faustino da Costa hamutuk ho nia vise Komandante halo reuniaun ho komandante husi Munisipiu sira iha Kuartel PNTL Dili Komandante Jerál (Komjer) Polísia Nasionál Timor-Leste (PNTL), komisáriu Faustino da Costa hamutuk ho nia vise Komandante halo reuniaun ho komandante husi Munisipiu sira iha Kuartel PNTL Dili Foto File Midia PNTL

Tempotimor (Díli)- Komandante Jerál (Komjer) Polísia Nasionál Timor-Leste (PNTL), komisáriu Faustino da Costa bolu komadante munisípiu sira hodi halo avaliasaun ba servisu ne'ebé durante hala'o iha tinan 2020 nia laran, rona mós hanoin no preokupasaun husi komadante PNTL munisípiu sira, buka meiu oinsa bele fó apoiu.

"Enkontru ida ohin bolu komadante Munisípiu no unidade sira hotu atu halo avaliasaun ida ba iha situasaun seguransa tinan 2020 nian, hanesan mós avaliasaun ida ba implementasaun ou ezekusaun asegura estadu emerjénsia", Komjer Faustino hateten lia hirak ne’e, hafoin hala'o sorumutu iha akademia PNTL Comoro, Segunda (16/11).

Nia dehan, durante enkontru hato'o hela ba komadante sira, pontu saida mak sira presiza hare, ida ne'ebé diak ona komandu sempre apresia.

"Tuir loloos enkontru ne'e sei kontinua, ha’u rasik sei iha ajenda seluk ida, tanba ne'e ha’u orienta hela atu komadante operasaun, inspetór jerál ho PNTL nian hodi kontinua lidera nune’e bele rona fali sira nia hanoin", nia akresenta.

Faustino dehan ne’e tanab, iha etapa dahuluk komadante jerál mak ko'alia hela de'it ba sira, maibé husi sira nia hanoin no preokupasaun sempre hato'o.

"Tanba ne'e mak posivel komadante na'in tolu akompaña atu rona husi sira, depois ha’u hein relatóriu ne'ebé hato'o husi komadante sira", nia relata.

Komandu mós hato'o katak, PNTL iha problema ou difikuldades kona-ba transporte, nune'e buka meius oinsa atu responde.

"Maibé, husu mós ba komadante sira atu komprende ita nia situasaun ohin loron, liu-liu orsamentu ne'ebé iha ba 2020 foku ba divida sira desde 2012", nia fó hanoin. (*)

 

PUBLISIDADE

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« March 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks