Komandante Jerál PNTL Komisáriu Faustino da Costa informa, liu husi operasaun konjunta ne’ebé halo, konsege kaptura sidadaun TL na’in 14 ne’ebé tama liu husi dalan illegal.
"Iha semana ne'e nia laran, ita halo kapturasaun ba sidadaun (tama) ilegál hamutuk na'in 14, na'in ida mak iha indikasaun katak lori atributu arte marsiais, maibe sira seluk ita-nia estudante ne'ebé kontinua hala'o estudu iha ne'ebá," dehan Komisáriu Faustino iha Palásiu Prezidensiál Bairru-pite, Kinta (15/10).
Sidadaun sira ne'ebé ekipa konjunta kaptura, nia dehan, daudauk ne’e iha ona kuarentena iha Batugade.
"Agora sira iha kuarentena, kuandu sira kumpre ona loron 14 mak sei ba selu multa iha migrasaun, tanba atu selu multa ne'e nia presu kiik liu mak dollar $50 no aas liu mak dollar $250," katak nia.