Haree ba ulun toos motorista sira-nian, mak komandante tranzitu kontinua orienta membru sira hodi halo pasa revista ba motorizada no transporte públiku sira iha sidade Dili.
Nune'e, ohin KMD nia diresaun tranzitu, prende tan motorizada no transporte públiku hanesan taxi no mikrolete iha rotunda eis merkadu lama parte estadu Prezidente Francisco Xavier do Amaral nian.
Haree ba servisu PNTL nian ne'ebé rigór liután ne'e, Komandante Operasaun Tranzitu Inspetór PNTL Domindos Sarmento Gama katak, atividade pasa revista ne'e la'o loron-loron.
"Chek point ne'e lor-loron la'o, entaun husi ne'e ita-nia komunidade barak iha sidade Dili, iha ona konsiensia agora barak los mak ba trata ona dokumentus iha DNTT, entaun ita book husi ne'e, reseita barak mak tama iha DNTT," dehaj Inspetór Domingos iha knaar fatin Kaikoli, Dili, Tersa (6/10).
Komandante ne'e dehan, karta kondusaun ne'e importante, tanba laiha karta kondusaun, ne'e krime.
"Dokumentu ne'ebé importante ba transporte ne'e tenke iha, depois karta kondusaun mós importante, se laiha ne'e krime," katak nia.
Entretantu, motorizada no transporte públiku ne'ebé ohin PNTL liuhusi tranzitu prende ne'e taxi 42, mikrolete haat no motorizada kuaze tolunulu.
Ho servisu tranzitu nian ne'e, maka husi Janeiru 2020 to'o Setembru 2020, PNTL liuhusi diresaun tranzitu hatama ona millaun $10 resin ba kofre estadu.(*)