Ekipa Konjunta Kaptura Tan Na’in 11 Tama Ilegal iha Fronteira

Deskonfia membru balun husi PSHT ne'ebe kaptura husi parte seguransa hafoin ilegalmente hakat liu rai ketan TL ho Indonesia Deskonfia membru balun husi PSHT ne'ebe kaptura husi parte seguransa hafoin ilegalmente hakat liu rai ketan TL ho Indonesia Foto Suplai

Tempotimor (Díl)-Ekipa operasaun konjunta PNTL no F-FDTL kaptura tan sidadaun Timor-Leste na’in 11 ne’ebé tama illegal mai area TL liu husi fronteira rai Batugade.

Portavoz Komando Jerál Polísia Nasionál Timor-Leste (PNTL), Superintendente Xefi, Arnaldo Araújo informa, iha semana ida ikus ne’e, hahú husi loron 15 to’o 21 Setembru, ekipa operasaun konjunta ne'ebé kompostu husi Undade Polísia Fronteira (UPF), Komando Operasaun Espesial (KOE) no Falintil Forsa Defeza Timor-Leste (F-FDTL) kaptura tan sidadaun na'in 11 ne'ebé tenta ultrapasa dalan ilegál iha fronteira Batugade.

“Sira na'in 8 ne'e barak mak deskonfia halo sira-nia komérsiu ilegál no na’in tolu husi Indonézia ne'e tanba sira uza pasaporte Indonézia nian, maibé la liu husi dalan legál, tanba ne'e maka PNTL kaptura, no oras ne'e dadauk iha ona karantina Maliana Batugade, depois sei submete ba prosesu investigasaun, hatete Portavóz Komando Jerál Polísia Nasionál Timor-Leste (PNTL), Superintendente Xefi, Arnaldo Araújo iha kuartel jerál Kaikoli, kuarta (23/09).

Nia dehan, dadaun ne'e PNTL seidauk identifika entre sira ne'ebé kaptura mai husi ne'ebé, tanba seidauk halo prosesu investigasaun, bainhira prosesu investigasaun lao ona mak bele deskobre, sira involve iha arte marsiais ka ilegál iha fa'an no sosa sasán.

Nia akresente, sidadaun sira ne'ebé kapturadu, sei submete hotu ba prosesu investigasaun tuir área ne'ebé ekipa konjunta sira kaptura hanesan iha fronteira Kovalima sei halo investigasaun iha PNTL Suai, inklui iha Oekusi no Maliana mós hanesan.

Rate this item
(1 Vote)
Last modified on Friday, 25 September 2020 16:34
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.