Maski nune’e, Vise Ministru Interiór, António Armindo hateten, membru PNTL bele envolve saida de’it fora husi oras servisu nian. Ne’e duni, konstituisaun la bandu atu envolve iha organizasaun arte-marsiál.
"Ha'u la haree detallu kona-ba lei dixiplinár PNTL nian, mas atu hatete katak iha Konstituisaun RDTL ne'e la bandu para membru hotu labele adere ba partidu," dehan Vise-Ministru, iha Komandu Jerál PNTL, Kaikoli, Tersa (29/9).
Tanba ne’e, tuir nia, la bandu atu membru PNTL envolve saida de'it, importante fora husi oras servisu.
"Nia atu ba arte marsiál ka atividade ne'ebé fora husi nia oras servisu ne'e ita la bandu, maibé atu fó hanoin katak, di'ak liu ita haree de'it mak ita-nia instituisaun, para servisu povu ho di'ak no justu," nia dehan.
Dala-ruma públiku kestiona kuandu membru PNTL tuir arte-marsiál no sei mosu problema iha terrenu, maibé Vise-MI rasik dehan, ema ne'ebé envolve iha kualkér atividade fora husi oras servisu laiha ida mak bandu. (*)