Login to your account

Username *
Password *
Remember Me

Membrus UPF Husu Konstrui Kazerna

UPF wainhira hala'o hela kna'ar iha rai ketan UPF wainhira hala'o hela kna'ar iha rai ketan foto suplai

Tempotimor (Dili) - Relasiona ho vizíta Vise-Ministru Interiór (MI), António Armindo iha fronteira, membru Unidade Polísia Fronteira (UPF) aprezenta kona-ba kazerna hodi uza hodi halo seguransa iha fronteira.


"Sira-nia preokupasaun ida maka kazerna. Sira hela de'it iha fatin ida ne'ebé sira monta postu. Sira-nia toba fatin mós iha ne'e. Kuandu ema ruma atu mai enkontru mós tuur hotu iha ne'e. Ne'e ladún di'ak ba sira, maibé sira kontinua servisu di'ak nafatin", hateten Vise Ministru António, ba  jornalista sira, iha jornada orsamentál, iha Aitarak-Laran, Tersa (04/08).

Nia hatutan, problema seluk ne'ebé membru UPF sira hasoru maka kuantidade membru limitadu, tanba iha de'it 300-resin pesoa. Maski nune'e, sira servisu fahe tempu uitoan-uitoan ba malu, balu servisu iha Segunda to'o Domingu no laiha feriadu, tan de'it mak hakarak proteje fronteira.

Nia esplika, objetivu husi vizita ne'e atu haree besik liután seguransa iha liña fronteira hahú husi mota ain, no haree direta postu no mós membru UPF sira-nia servisu no nia hela fatin.

"Hakarak ba para bele fó motivasaun, fó parabéns ba sira-nia servisu di'ak durante iha tempu Estadu Emerjénsia ba tempu Covid-19, tanba sira halo servisu ne'ebé di'ak tebes, no tenke louva, maski sira iha númeru ida ne'ebé mak uitoan de'it, ho espíritu nasionalizmu sira bele kontinua proteje ita-nia soberania liuhusi liña fronteira", esplika nia.

Nia informa, depois ba haree kondisaun ne'e,  Ministériu Interior tau ona iha planu orsamentál ba tinan 2021 ninian hodi halo infraestrutura ba sira, liuliu ba sira-nia kazerna. (*)  

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter