F-FDTL ho PNTL Kaptura Sidadaun Na’in-3 Hatama Mina Ilegál iha Ponte Nunura

By Tempo Timor August 11, 2022 624

font size decrease font size increase font size
Print
Email

Ekipa konjunta ne'ebe halo apreensaun ba Sasan ilegal iha Ponte Nunura. Foto Suplay

Tempotimor (Dili)-FALINTIL-Forsas Defeza Timor-Leste (F-FDTL) hamutuk ho Polísia Nasionál Timor-Leste (PNTL) Kaptura sidadaun na’in-3 hamata mina ilegál iha Ponte Nunura, Munisípiu Bobonaro

Tuir informasaun ne’ebé www.tempotimor.com, asesu iha pájina PNTL, kuarta (10/08) katak, PNTL liuhusi Unidade Patrullamentu Fronteira (UPF), servisu koordenada ho Unidade Batallaun Ordem Publika (BOP) Kompaña Delta Maliana, junta ho F-FDTL, Postu Tunubibi, servisu sekreta Komandu Munisípiu Bobonaro kaptura sidadaun timoroan na’in-3 iha Ponte Nunura.

Sidadaun hirak ne’e hatama kombustivel ilegál husi fronteira terrestre Indonézia mai territóriu nasionál hamutuk ho evidénsia komprovativu sira hanesan Gazolina masa 22, Gazoel 42, tabaku sek pohon sagu kaixa 6 falun 4, motór 1, karosa 2.

Dadaun ne’e, suspeitu ho evidénsia ekipa konjunta entrega ona ba Servisu Investigasaun Kriminál Komandu PNTL Munisípiu Bobonaro hodi foti identidade no loke prosesu investigasaun. (*)

Rate this item

(0 votes)

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com