Login to your account

Username *
Password *
Remember Me

Governu Inaugura Uma-Rua iha Komandu Jerál PNTL

Minístru Prezidensia Konsellu Ministru (MPKM), Fidelis Leite Magalhães, tesi hela fita husi uma IT iha Komandu Jerál PNTL. Minístru Prezidensia Konsellu Ministru (MPKM), Fidelis Leite Magalhães, tesi hela fita husi uma IT iha Komandu Jerál PNTL. Foto Suplay

Tempotimor (Dili)-Governu Timor-Leste liuhusi Ministru Prezidénsia Konsellu Ministru (MPKM), Fidelis Leite Magalhães, inaugura uma-rua iha Polísia Nasionál Timor-Leste (PNTL) hanesan, Sentru Integradu Jestaun Informasaun no Investigasaun Kriminál nomós Edifísiu Informatiku Teknolojia PNTL iha Komandu Jerál.

“Ha'u hato'o ha'u-nia sentidu haksolok onra ne'e mai Governu nia naran partisipa iha lansamentu inaugurasaun importante ba fasilidade kruseiru rua mak sentru integridade iha jestaun kriminál nian, no fasilidade IT (Informátiku Teknolojia) PNTL nian, ne'e hanesan simbolu ida ita-nia kooperasaun ho Austrália ne'ebé kontinua nafatin ne'ebé nakonu tan ho konfiansa entre rai rua ida-ne'e mós estudu esforsu maka'as ida ne'ebé mak ita-nia Governu husi Ministériu Interior ho nia Vise ho Komisáriu Jerál ho nia membru b oinsá atu halo di'ak liután servisu PNTL nian ne'ebé apoiu husi Governu Povu Australianu”, dehan nia iha nia intervensaun bainhira partisipa ingaurasaun uma rua iha Komandu Jerál PNTL Kaikoli, kinta (11/08).

Tanba edifisiu rua ne’e hetan apoiu husi Governu Austrália hodi bele fasilita servisu Polísia nian iha Timor-Leste bele la’o di’ak liu. 

Tanba ne’e, husu mak dadaun ne'e importante ne'ebé mak atu eleva mak presiza profesionalizmu serbisu PNTL liuhusi Rekursu Umanu no rekursu materiál.

Komandu Jerál PNTL, Komisáriu Faustino da Costa, nia parte agradese tanba bele reforsa servisu Polísia Nasionál Timor-Leste nian di'ak liután iha futuru mai liuliu iha área kombate nian.

“Atu dehan hanesan ne'e situasaun hirak ne'e maioria ekipamentu báziku eziste, maibé ho lansamentu ida ohin (11/08) ne'e klaru ke sei reforsa liután, tanba sasán sira ne'e ita bele dehan ekipamentu ida ne'ebé modernu, tantu parte eseptu Integridade investigasaun ninian, tantu mós parte informasaun teknolojia (IT) ninian, ne'ebé ekipamentu sira ne'ebé iha, sei suporta tebetebes servisu Polísia Nasionál ninian liliu ba área kombate ninian”, dehan nia.

Konstrusaun hirak ne'e husi Polísia Federasaun Austrália (AFP) mak kria kondisaun ba uma rasik, inklui mós apoiu matéria teknolojia sira.

Marka Prezensa husi inaugurasaun uma rua iha Komandu Jerál PNTL ne'e partisipa husi Membru Governu sira nune'e mós Deputadu uma funu Parlamentu Nasionál komisaun B ne'ebé trata assuntu seguransa no Sosiedade Sivil sira. (*)

Rate this item
(0 votes)
Last modified on Thursday, 11 August 2022 16:07
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter