Iha serimónia demisaun ba primeiru sarjentu ne'e, Xefe Divizaun Pesoál F-FDTL Sarjentu Mor Alberto Morreira katak, bazeia ba despaxu 5 marsu 2013, mak halo demisaun ba primeiru sarjentu Abreu

"Bazeia ba despaxu kometiva husi sua eselénsia xefe estadu maior F-FDTL Maijór Jenerál Lere Anan Timur iha loron 5 marsu 2020, hodi demite primeiru sarjentu Abreu Ramos da Costa tanba komete krime ne'ebé hetan pena prizaun tinan haat fulan neen husi tribunal distrital Dili," dehan iha despaxu Husi Maijor Jeneral ne’ebe le’e husi Xefe Divizaun Pesoál F-FDTL Sarmento Mor Alberto Morreira, iha Kuatel Jerál F-FDTL Fatuhada Dili, bainhira halo leitura ba despaxu demisaun, Kuarta (22/04).

Despaxu refere hatutan, ”Militar refere lakon nia kualidade hanesan militar, nune'e labele ona uza formas ka emblema militar nian, bazeia ba artigu 27 regulamentu disiplinr militar.”

Entretantu Tenenti Koronel Constinho Moreira ne'ebé halo dezarma ba eis militar ne'e dehan, primeiru sarjentu Abreu Ramos da Costa nia komete krime arte marsiais.

"Iha 2015, primeiru sarjentu Abreu Ramos da Costa ho nia familia ba trata asuntu partikular iha Tibar, maibé to'o iha dalan ema halo atake ba sira, entaun nia ho nia familia responde kedas, entaun vítima sira kesar hasoru nia, kona-ba hahalok ne'ebé sarjentu halo ba vítima sira," dehan Tenenti Koronel Constinho

Liu tan Haktuir eis militar Abreu Ramos da Costa hola parte iha instituisaun F-FDTL iha tinan 2004, tanba komete krime ohin loron 22 abril 2020 simu desizaun husi superiór hodi kumpri lei iha estadu Timor Leste.