Login to your account

Username *
Password *
Remember Me

PNTL no Autoridade Munisipiu Sensibiliza Regras EE iha Merkadu Taibessi

Tempotimor (Dili)-Komando Polísia Nasionál Timor-Leste (PNTL) Munisípiu Dili hamutuk ho Autoriedade Munisípiu Dili hahú sensibiliza regras estadu emerjénsia ba negosiante no komunidade sira iha merkadu Taibesi.

Komandante Daruak PNTL Dili, Superentedente Euclides Belo hatete, sensibilizasaun ne'e halo atu negosiante no kompradór sira bele halo tuir regras ne'ebé governu fó sai ona.

"Sensibilizasaun ne'e prefere ba ita sosiedade sira par negosiante no kompradór sira bele kumprimenta regras ne'ebé governu fó sai ona iha estadu emerjénsia," dehan Euclides ba www.tempotimor.com iha merkadu Taibesi, Kinta (16/04).

Aleinde halo iha merkadu Taibessi, nia dehan, nia parte mós sei kontinua halo sensibilizasaun iha merkadu Manleuana.

"Programa ne'e rutina no ami mós iha ona mapamentu, tanba ne'e agora iha ne'e, orsida ami sei ba merkadu Manleuana, inklui Bairu balun ne'ebé nesesáriu atu halo sensibilizasaun," dehan nia.

Iha fatin hanesan, kompradór ida, Boaventura José de Asunção apresia ho sensibilizasaun ne'e, tanba bele fó koñesimentu ba komunidade sira atu kumpre regras estadu emerjénsia.

"Kona-ba sensibilizasaun ne'ebé husi Polísia no munisípiu sira mai hala'o ne'e pozitivu tebes, par moras covid-19 ne'e labele hadaet," dehan nia.

Iha sensibilizasaun ne'e, parte seguransa sira orienta komunidade sira hodi forma metru ida ho balun, fase liman, no tenke uza maskra bainhira tama ba merkadu laran.

Tuir observasaun jornalista www.tempotimor.com, aleinde halo sensibilizasaun, ekipa mós rega dezinfekta ba merkadu laran inklui estrada.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2024 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29      

Tempo Timor Networks

Online Counter