PNTL Garante Estabilidade Nasional

Komisariu PNTL, Faustino da Costa ko'alia ba Jornalista hafoin hasoru malu ho Prezidente da Republika, Dr. Francisco guterres lu olo iha palasiu Prezidensial Komisariu PNTL, Faustino da Costa ko'alia ba Jornalista hafoin hasoru malu ho Prezidente da Republika, Dr. Francisco guterres lu olo iha palasiu Prezidensial Foto arkivu

Tempotimor (Dili) - Estabilidade polítika rai-laran bele rungu-ranga, maibé Polisia Nasionál Timor Leste (PNTL) garante estabilidade seguransa iha rai-laran.

Impase polítika ne'ebé akontese daudaun ne'e bele hamosu instabilidade iha Timor, maibé Komandu Jeral PNTL prontu atu asegura kuandu mosu destablidade.

Hafoin remata enkontru ho Prezidente Repúblika, Francisco Guterres Lú Olo, Komandante Jerál PNTL, Komisáriu Polisia Faustino da Costa hatete, nu'udar institusaun seguransa prontu asegura situasaun bainhira hetan orden husi Estadu.

"Ami sei asegura situasaun kuandu Estadu ka Governu deside," dehan nia, iha Palásiu Prezidensiál, Bairru-Pité, Kinta (13/2).

Faustino husu ba públiku sira atu hakmatek nafatin no akompaña de'it.

Entertantu, antes ne'e, PNTL ho FALINTIL-FDTL halo ona deklarasaun konjuntu ha hodi asegura kualkér situasaun iha rai-laran no atua provokator liga ba impase polítika. (*)

Rate this item
(0 votes)
Last modified on Thursday, 13 February 2020 14:01
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.