"Triste ba institusaun Polisia Nasionál ke lakon nia figura ida potensiál, lideransa di'ak ba instituisaun no mós ba poténsia boot lideransa ba Polisia Nasionál," dehan Komandante Jerál PNTL, Komisáriu Polisia Faustino da Costa, iha Palásiu Prezidensiál, Bairru-Pité, Kinta (13/2).
Faustino rona informasaun Superintendente Lino Saldanha nia-mate bainhira to'o iha Gabinete Prezidensiál.
Nune'e, Komisáriu Polisia Faustino hato'o ba Prezidente Repúblika, Francisco Guterres Lú Olo no mós Xefe Estafu mós hato'o sentidu kondolénsia família no institusaun PNTL.
"Ami la imazina buat ne'e mosu, ami-nia superiór ida PNTL ohin hetan atakasaun la konsege salva," dehan Faustinho.
Seidauk hatene klaru sintoma ne'ebé rezulta Komandante UPM Superintendente Lino Saldanha mate, maibe informasaun preleminariu katak hetan atakasaun fuan. (*)