Login to your account

Username *
Password *
Remember Me

KomJer Louva Governu Konstrui Postu ba PNTL iha Fronteira Tomak

Vise-Ministru Interior, Antonio Armindo ho Embaixador Australia Interinu, Bryce Hutchesson foto hamutuk iha Postu PNTL ne’ebé konstrui iha fronteira Oecusse. Vise-Ministru Interior, Antonio Armindo ho Embaixador Australia Interinu, Bryce Hutchesson foto hamutuk iha Postu PNTL ne’ebé konstrui iha fronteira Oecusse. Foto Suplay

Tempotimor (Dili)-Komandante Jerál interinu, Superintendete Xefi Polisia Jose Neto Mok, lori Komandu Jeral Polísia Nasional Timor-Leste (PNTL) nia naran hato’o agradese ba Governu ne’ebe lidera hosi Primeiru-Ministru, Taur Matan Ruak, tanba konsege konstrui postu ba PNTL iha fronteira terrestre tomak.

“Hau lori Komandu Jeral nia naran kongratula Primeiru-Ministru no Vise-Ministru Interior nia esforsu, hodi halo postu seguransa iha liña fronteira. Ba Vise Ministru Interior, ha’u atu dehan katak, ita boot ema ida joven ho enerjia ida makas tebes. Ha’u hare ona esforsu barak mak ita boot halo liu-liu defende makas iha Parlamentu Nasional hodi haree ba nesisidade polísia nian iha fronteira ne’ebe karik ita haree direta, matan ben mos bele monu”, haktuir komandante Neto Mok, ne'ebé www.tempotimor.com asesu iha pájina servisu relasaun públika, segunda (14/11).

Tanba, durante ne'e, konsege instala ona postu ba PNTL hamutuk 54 iha Timor laran tomak.

“Ami fiar ho kapasidade ne’ebe iha postu hamutuk 54 persija hadi’a liu-liu iha Oesilo presija tau matan, tanba ami ba haree triste tebes, membru sira nia toba fatin no armamentu falta tebes. Tanba ne’e hau rekomenda ba Governu tau matan nafatin, ikus liu obrigado wa’in no kontinua luta nafatin iha dia 18 diskusaun ho deputadu sira iha Parlamentu Nasional hodi bele hadi’a PNTL sai di’ak liutan”, nia dehan.

Embaixador Australia Interinu, Bryce Hutchesson, hatete, konstrusaun postu UPF foun ne’e hanesan kontribuisaun ba komunidade sira iha Suku Nipani.

“Ida ne’e hanesan vizita dahuluk no ha’u haksolok tebes mai iha Oecusse, tanba fatin ne’ebe di’ak tebes. Konstrusaun postu ne’e hanesan kontribuisaun ida ba komunidade iha Oecusse, nune’e hakarak kongratula Vise-Ministru Interir, Autoridade seguransa sira hosi Indonezia, Autoridade RAEOA, ha’u nia kolega Daren Buoy no komunidade sira ne’ebe hola parte iha fatin ida ne’e”. nia esplika.

Nia konta, iha tinan 2021 mosu pandemia global liu hosi virus Covid-19 afeta ba nasaun hotu iha mundu no momentu ne’e PNTL halo nia papel importante ba nasaun hodi asegura fronteira hodi virus ne’e labele afeta no da’et makas ba komunidade.

“Postu ne’ebe hari kompleta kedas ho akomodasaun, solar painel, sanitasaun, be-mos no fasilidade tein nian. Programa ne’e susesu tebes, tanba ne’e ha’u hakarak rekoñese esforsu hosi Vise Ministru Interior no Primeiru Ministru ba susesu ne’ebe sira halo”, nia relata.

Nia hatutan, Guvernu Australia iha komitmentu hodi halo relasaun di’ak hametin kooperasaun iha área seguransa, tanba ne’e TLPDP iha komprimísiu hari tan postu adisional ba PNTL iha nia mandatu.

Iha fatin hanesan, Vise-Ministru Interior, Antonio Armindo, hato’o agradese wa’in ba komunidade iha Suku Nipani, ne’ebe oferese ona rai ba estadu hodi konstrui postu PNTL.

“Ha’u hodi Governu nia naran hakarak agradese ba rai na’in no komunidade iha Suku Nipani tomak, ne’ebe ho boa vontade fo rai ba estadu hodi konstrui postu, nune’e bele haforsa servisu kontrolu seguransa iha fronteira no asaun ida ne’e Governu konsidera hanesan kontribuisaun ba estadu”, nia esplika.

Nia dehan, estabelesementu postu ne’e la’os atu hapara ligasaun iha fronteira, maibé nu’udar soberania tenke halo postu hodi defende nasaun nia fronteira no wainhira komunidade sira atu halo atividade ruma ne’ebe iha relasaun família iha mota sorin mos liu de’it hosi postu legal ida ne’e.

Konstrusaun postu ne’e harii, tanba iha kontribuisaun hosi Governu Timor-Leste no hetan fundu komplementar hosi Guvernu Australia liu hosi TLPDP.

Seremonia ne’e, hetan partisipasaun hosi Komandante UPF, Komandante TLPDP, Komandante PNTL RAEOA, Ofisiais forsa seguransa rua hois Indonezia TNI no POLRI, Diretor Jeral Administrasaun Finansas MI, Autoridade Aduaneira, Karantina, Autoridade Lokal, PDHJ, lider relijoazu, lia na’in, estudante no komunidade sira ne’ebe hela besik iha área refere. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter