"Semana ida ne'e iha insidente no asidente ne'ebé rejista liuhusi sentru operasaun nasional kazu hamutuk 1.301, husi totál kazu ida ne'e, 258 kanek todan no mate 59, ne'e buat ne'ebé ita la espera no loroloron sidadaun lakon vida iha estrada públiku", dehan nia Komando Jerál Caicoli, tersa (04/10).
Asidente no insidente ne'e, barak liu mai husi fator umanu, tanba la konsentrasaun bainhira konduz kareta no motor iha estrada públiku.
Tanba ne'e, PNTL liuhusi diresaun Tránzitu siguransa no rodaviariu inklui Komando Munisípiu Dili sensibilizasaun nafatin hodi apela ba sidadaun hotu atu lori motor ho neneik no implementa lei kódigu estrada hodi evita asidente no insidente.
"Maibé, ita nia estatistika ne'e sa'e hela de'it, husu ba sidadaun bainhria sai husi uma, kontrolu ita nia aan no fokus konsentrasaun, bainhira konduz kareta no motor iha estrada públiku hodi evita asidente no insidente ne'ebé afeita ba ita nia vida rasik no tantu mós ba ema seluk nia vida", nia apela. (*)
