"Komando PNTL sei taka dalan, hapara transporte totál, rute ne'ebé mak atleta sira sei liu, estrada Públiku husi diresaun aitarak laran , kruzamentu iha loja makikit, Fatuhada kontinua to'o Rotunda prezidente Nicolau Lobato, fila tun ba pantai kelapa, Marconi, Palpasu, Kruzamentu mandarin, Farol, Colmera Largo Lecidere, Ponte BJ Habibie Bidau Santana to'o iha area Branca, fila fali mai Lecidere, Palacio Governu Colmera Mandarin, Palpasu no sei loke hikas bainhira eventu remata" dehan nia liuhusi Konferensia Imprensa iha Komando Jerál Caicoli, tersa (04/10).
Objetivu husi eventu ne'e atu kontinua hametin paz no estabilidade, potensiál Turistika Timor Leste nian iha mundu Desportu no saúde.
Nia hatutan, transporte Públiku mai husi diresaun Maliana, Ermera, Likisa Tasi Tolu, liuhusi ponte Golgota Ponte Comoro Tres, Covalima Ainaro, Aileu tama Dili normál no parte leste liuhusi Fatuahi, tama kapitál Dili, bairo Pite, sei liuhusi pasar tais Kolmera, inklui Ambulancia no kareta Funeráriu sira.
Tanba ne'e, Komando Jerál PNTL husu ba komunidade hotu nia kolaborasaun no kontribuisaun hodi garantia estabilidade no paz iha Eventu ne'e.
"Sidadaun hotu ne'ebé mak halo movimentu, ho transporte husi Munisípiu mai iha kapitál Dili, hodi kolabora ho Autoridade lokal no seguransa ne'ebé koloka iha estrada públiku fasilita ita nia viagem, hodi evita engarafamentu", dehan nia
Dili Internasionál Maratona bazeia ba númeru referensia 29/KO-DIM/IX/2022, 21 fulan-setembru no karta casa militár ho númeru referensia 40/CM/IX/2022 22 fulan-setembru tinan 2022.
Eventu Díli Maratona Internasionál ne'e, atleta mai husi Kenya, Angola, Korea do Súl, Malaysia no Indonézia ho nia atleta hamutuk 50 no eventu sei hahú iha loron 8 fulan-outubru tinan 2022 oras tuku neen 06:00 dader. (*)