“Eventu konsolizasaun husi plenária internasionál bazea ba semináriu internasionál ne'e momentu ne'eba ita halo asementu ida halo diagnose akontesimentu dezastre iha tinan hirak liuba entaun ho evidénsia hirak ne'e mak ita-nia parseriu hothotu ho ita-nia Governu fó orentasaun ita-nia politika na’in sira ba operasinalmente protesaun sivil ho parseriu sira hotu atu, oinsá eleva ita-nia kapasidade prepara ita-nia kondisaun rekursu tomak atu responde kuandu deszaste ruma akontese hanesan iha pasadu”, dehan Ismael Babo iha Ótel Timor, tersa (21/06)

Ba parseriu sira ne'ebé mak ativamente halo ezersisiu ba Timor-Leste husi forsa Austrália no Amerikanu ne'ebé mak konjuntamente servisu hamutuk.

“Horseik ita-nia ekipa halo diskusaun, ohin mós komesa halo diskusaun mais alarga ho mós aban ita espera iha konkluzaun ida oinsá mak atu realiza ba ezersisu mesa iha fulan-setembru”, informa nia.

Tanba ezersisu meza ne'e integra husi sivíl no militar ho parseriu dezenvolvimentu internasionál sira ne’ebé ativu halo ezersisiu hanesan forsa Austrália no Amerikanu.

Iha mós pontu importante sira mak halo diskusaun oinsá millora kondisaun koordenasaun ne'ebé kapas, armoniza integra kompaña tomak iha asaun ida de’it kuandu iha dezastre naturál.

Tanba iha tinan sanulu liu ba Estadu halo formula liuba seguransa nasionál, iha momentu ne'eba ho kedas lei defeza nasionál seguransa integra no falta hela lei protesaun sivil, maibé iha lideransa Primeiru MInistru, Jenerál Taur Matan Ruak, tau atensaun investimentu ne'ebé preriodade ba pilar importante ida husi sistema seguransa nasionál mak protesaun sivil.

Nune’e Protesaun sivil moris ona ho lei protesaun sivil alende lei protesaun sivil órganika atu ezekuta protesaun sivil, enkuandra lei seguransa nasionál hodi garantia seguransa nasionál ba proteze sidadaun sira-nia vida ho nia rikusoin husi kualker ameasa husi dezastre naturál nomós dezastre por asidente grave ruma.

“Lei protesaun sivil gia ona ita ezersisu sira ne'e faz parte ida oinsá mak atu garantia ita-nia koordenasaun servisu hamutuk atasaun integradu ne'ebe sei mosu kuandu dezastre ruma”, esplika nia.

Ba sistema integradu operasaun sekoru iha ona Prezidente Konsellu Ministru nia fatin halo ona diskusaun hein katak iha tempu badak sei aprova husi Konsellu Ministru sira. Tanba sstema operasaun ne’e sei gia Protesaun Sivíl atu bele halo autuasaun konjuntu kordenada entre instituisaun hothotu ne'ebe mak iha nasaun.

Lientenant Colonel, Lachlan Searle hatete, ajuda husi defeza Austrália no membru sira husi Austrália suporta embaisada Ausralianu atu fó suporta ba protesaun sivíl, embaisada Australia iha responsabilidade.

Bainhira iha sira presiza ajuda iha área asistensia umanitária militar Australianu, suporta Embaisada Australianu iha responsabilidade protesaun sivíl.

“Iha futuru embaisada atu kontinua suporta hamutuk ho F-FDTL iha interna no responsabilidade suporta ba dezastre sira disiplina fó ajuda ba F-FDTL”, dehan nia.

Tanba durante dezastre Timor-Leste presiza ajuda boot husi nasaun seluk sira bele husu, nasaun sira seluk bele oferese, dalaruma suporta ne'e husi militar diferente. (*)