Login to your account

Username *
Password *
Remember Me

Sidadaun Timoroan Ilegál iha Fronteira Hahú Menus

Komandante Unidade Patrulla Fronteira (UPF), Superintende Euclides Belo. Komandante Unidade Patrulla Fronteira (UPF), Superintende Euclides Belo. Foto Suplay

Tempotimor (Dili)-Komandante Unidade Patrulla Fronteira (UPF), Superintende Euclides Belo informa, dadaun ne’e sidadaun Timoroan ne’ebé la'o ka pasajen ilegál hahú menus tanba simu ona sensibilizasaun no formasaun husi Polísia Nasionál Timor-Leste liliu ba sidadaun sira iha área fronteira nian.

“Númeru persentajen dadauk ne’e ami halo estatístiku para depois determina sa’e ka menus mas sei dadauk ne’e pontu de vista hanesan komandante unidade nian menus tanba ita-nia sidadaun iha fronteira sira hetan informasaun liuhusi sensibilizasaun informasaun”, dehan Euclides, iha Timor Plaza, Maubara Room, segunda (06/06).

Maibé kontinua apela ba komunidade sira ne’ebé mak hakarak halo esportasaun ka imortasaun liuhusi portaun boot atu labele implika ba sira nia pasajen iha fronteira sira.

“Ba sira katak hola manu atu importa ka sasán esporta ita iha portaun boot salele no mota salele no mota-masin parte Indonézia nian ne’e parte Suai nian no parte Bobonaru nian mak Mota ain, parte Oekussi Sakato no Osilo portantu hirak ne’e mak legál ita bele halo prosesu ekonomia la’o tuir dalan ne’ebé mak legál. Kuandu tuir dalan ne’ebé mak illegál laiha baze legál ba objetu hirak ne’e PNTL suspeita hanesan sasán ne’ebé mak illegál”, afirma nia.

Dadaun ne’e problem sira ne’ebé mak parte Polísia iha fronteira enfrenta mak menus rekursu umanu hanesan membru polísia sira inklui mós torre ne’ebé mak sei aat tanba difikulta komunika husi fronteira mai nasionál.

“Kona-ba rádiu iha fronteira mínimu sei iha maibé tore mak sei problema tanba ne’e mak ami sei halo hela komunikasaun para depois bele hadi’a ida ne’e, kona-ba transporte ita-boot sira bele haree katak transporte mesak husi 2015 to’o mai agora barak mak presiza halo manutensaun no ideal liu mak presiza iha transporte foun para bele garante seguransa”, dehan nia.

Nune’e parte UPF mós presiza transporte hodi fasilita atividade serbisu fronteira nian hodi asegura merkadória sira iha fatin refere, tanba karreta sira ne’ebé dadaun membru sira utiliza tuan hotu ona. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter