Login to your account

Username *
Password *
Remember Me

PM Taur Deklara Timor-Leste Hakribi ‘Droga’, Husu Traballadór Hili Dalan Los

Primeiru Ministru (PM), Taur Matan Ruak. Primeiru Ministru (PM), Taur Matan Ruak. Foto Suplay

Tempotimor (Dili)-Primeiru Ministru (PM), Taur Matan Ruak deklara, nasaun Timor-Leste hakribi droga no husu ba traballadár Timoroan sira ne'ebé ba servisu iha rai liur atu la'o tuir dalan los hodi hadi’a moris.

“Foin lalais kaptura Timoroan ida iha Irlándia tanba haruka droga mai família, iha balun mós nune'e, em vezde ba buka susesu ba nia an, buka buat di'ak ba nia família la’e, nia ba sobu fali nia-an, sobu nia família e  sobu tan nia nasaun, tanba ne’e ha'u hakarak imi sira iha ne'e la'o iha dalan ketak, dalan mós, labele halo tuir ita-nia maluk Timoroan ida ne'ebé halo ona, ita hakribi buat hanesan ne'e, tanba ne'e buat la di'ak" Dehan PM Taur Matan Ruak, bainhira partisipa iha seremónia despedia traballadór sira ba Nasaun Austrália, iha salaun Delta Nova, Komoro, tersa (07/06).

Tanba dadaun ne'e, Governu Timor-Leste servisu maka’as ho Governu Austrália atu kria kondisaun ba Timoroan sira ne'ebé hetan oportunidade ba servisu iha Austrália hodi transforma moris inklui nasaun.

“Nune'e atu muda Timor ita muda uluk ita-nia an, tan ne'e liuhusi oportunidade ida ne'e, fó oportunidade ba imi atu muda imi-nia an, muda imi-nia família inklui muda ita-nia nasaun, tanba ema dehan tempu ne'e osan no vida, ita lakon tempu ita lakon osan no vida, entaun oportunidade ida ne'e oportunidade di'ak ba imi ha'u-nia oan sira, hodi transforma imi-nia moris”, hatete nia.

Nune’e husu ba traballador Timoroan sira ne'ebé atu ba Austrália atu lori hahalok di'ak ba ema nia rai, tanba sira ba reprezenta mós embaisadór Timor iha Austrália.

“Lori hahalok di'ak ba ema nia rai, tanba ita-boot sira ba ne'ebá sai hanesan embaisador Timor-Leste iha Austrália tanba ne'e hahalok ne'ebé la di'ak soe hela iha Aeroportu molok sa'e aviaun, tanba komportamentu mak halo ita-nia maluk barak, nune'e ita-boot sira ba halo relasaun di'ak ho patraun sira ne'ebé imi sei serbisu hamutuk, nune'e sai familiar liután”, haktenik nia.

Iha oportunidade ne’e, agradese mós Governu Austrália liuhusi nia embaisada iha Timor-Leste tanba nafatin servisu hamutuk hodi loke oportunidade ida ne'e ba Timoroan sira.

Iha fatin hanesan Embaisadór Austrália iha Timor-Leste, Bill Costello sente kontente tebes ho traballadór Timoroan sira tanba sira haksolok tebes ba servisu iha Austrália.

“Furak tebes haree númeru traballadór sira feto no mane motivadu tebetebes atu aranka ba Austrália hodi servisu, agradese ba família tanba bele hola responsavel ba sira hodi husik sira ba servisu, ho esperansa imi sei ba servisu di'ak no foti serbisu kualifikadu iha Austrália”, dehan nia.

Embaixadór Austrália iha Timor mós enkoraja traballadór Timoroan sira atu iha ona planu molok fila husi Austrália, atubele kontinua hodi sustenta família.

Diretór Diresaun Nasionál Empregu Exterior, Filomeno Soares esplika, traballadór sira ne'e sei aranka faze por faze tanba depende ba sira-nia oráriu husi empregadór ida-idak.

“Traballadór sira ne'ebé atu aranka iha tempu badak ne'e sira ba faze datoluk nia, ne'ebé sei ba servisu iha kompaña ketaketak ho servisu ne'ebé la hanesan”, afirma nia.

Entretantu traballadór sira ne'ebé preparadu atu aranka ba Austrália iha tempu badak ho totál hamutuk 214 kompostu husi mane 92 no feto 122 ba employer 11. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter