Login to your account

Username *
Password *
Remember Me

PNTL Kaptura Ona Suspeitu Na'in-10 ba Kazu Insidente Taibessi

Komandante Polísia Nasionál Timor-Leste (PNTL) Munisípiu Dili, Superintende Xefe Henrique da Costa. Komandante Polísia Nasionál Timor-Leste (PNTL) Munisípiu Dili, Superintende Xefe Henrique da Costa. Foto Suplay

Tempotimor (Dili)-Komandante Polísia Nasionál Timor-Leste (PNTL) Munisípiu Dili, Superintende Xefe Henrique da Costa hatete, PNTL liuhusi ekipa investigasaun husi Postu Administrativu Na'in-feto kaptura ona suspeitu na'in-sanulu (10) ne'ebé baku vítima na'in-rua iha merkadu Taibessi (21/05).

“Parte investigasaun polísia Na'in-feto ninian kontinua halo prosesu identifika ona suspeitu na'in-sanulu (10) kaptura ona e parte investigasaun Na'in-feto ninia hamutuk ho investigasaun kriminál Munisípiu Dili kontinua halo prosesu hodi aprezenta ba Ministériu públiku”, dehan Komandante Henrique da Costa ba jornalista iha nia kna’ar fatin Kaikoli, segunda (23/05).

Tuir kronolojia akontesimentu refere, iha grupu ida ne'ebé hemu tua hamutuk nune'e ikus mai baku vítima na'in-rua grave no halo kedas tratamentu iha Hospital Nasionál Guidu Valadares (HNGV).

“Iha mós insidente ida ne'ebé akontese iha Merkadu Taibessi ne'ebé mak akontese iha parte Na'in-feto ninian ne'ebé mak iha grupu ida ne'ebé mak sira hemu tua hamutuk depois sira fila aslata filafali sira-nia kolega na'in-rua e hodi halai tama iha postu Taibessi ninian e konsege sira baku duni vítima na'in-rua grave e kontaktu kedas ambulánsia atu lori ba HNGV maibé kondisaun vítima agora di'ak ona”, dehan nia.

Nune'e jornalista sira tenta atu husu vítima sira-nia naran inisiál maibé komandante ne'e hatan kontinua de'it iha prosesu investigasaun tuir mai.

“Prosesu sira la'o hela, pois sira bele fó naran inisiál sira ne'e”, hatete nia.

Insidente ne'e halo agresaun fíziku e konsege lori ai baku la lori sasán kro'at maibé evidénsia ne'e iha polísia nia liman atu nunele ne'e aprezenta ba Ministériu Públiku

Iha loron hanesan ne'e mós komunidade husi área BTN 1 hetan mate isin ida iha Tasitolu, nune'e PNTL patrulla Dom Aleixo to'o kedas iha fatin hodi identifika mate isin refere.

Maibé iha loron 21 akontesimentu mate isin ida hetan iha área Tasitolu ninian parte BTN 1 bainhira hetan informasaun ne'e parte patrolla Dom Aleixo ninian ba kedas iha fatin Insidente e identifika área vítima sira nia família iha ne'ebá, ida ne'e sira-nia aman duni e mate isin hamutuk iha área forensik nasionál ninian sira lori kedas ba Hospital Nasionál hodi halo autopsia”, akresenta nia.

Kazu refere atende kedas husi investigasaun kriminál nasionál e parte investigasaun Dom Aleixo ninian ajuda prosesu tomak. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter