"Kompetisaun tiru ne'e iha parte rua primeiru individual e tuir mai iha grupu ka team iha indivídu ne'e ita-nia FALINTIL FDTL konsege konkista duni ba primeiru lugar kilat boot ho marka (M4) ne'ebé mak manán husi ita-nia sarjentu ida e tuir filafali individual ba pistola ita-nia cabu ida ne'ebé mak manán”, dehan Kapitaun de Infantaria, Jose Antonio Nunes da Costa liuhusi Komunikadu Imprensa iha Aeroportu internasionál Nicolau Lobato, segunda (23/05).
Iha kompetisaun tiru ne'e fahe ba tipu iha área defikadas, ho nia distánsia husi metru 100 to'o metru 300.
Maibé kompetisaun tiru ho Ekipa ka team, Austrália nu'udar sai primeira lugar no segundu lugar Forsa Timor-Leste no Forsa Amérika sai terseiru lugar.
"Ba Ekipa ita Timor-Leste FALINTIL-FDTL konkista iha segundu lugar primeiru lugar mak Austrália segundu lugar mak Timor-Leste no terseiru mak Amérika”, dehan nia.
Molok ba membru na'in-11 tuir kompetisaun tiru amizade infantaria iha Austrália, F-FDTL halo preparasaun durante fulan-rua ikus mai hetan rezultadu pozitivu iha kompetisaun refere.
"E antes ba to'o iha prosesu ne'ebé mak foin dadauk ita-boot sira rona katak konkista lubuk ida mak manán primeiru lugar ba indivídu segundu lugar ba Ekipa antes ne'e ita-nia F-FDTL iha Timor-Leste treinu durante fulan rua nia laran”, afirma nia. (*)