Komandante Jerál PNTL, Komisáriu Faustino da Costa hatete, atividade semináriu ne’ebé realiza ko’alia kona-ba kestaun audióoria, hodi bele redezeña planu estratejiku hodi dezenvolve instituisaun PNTL.
“Dala barak ema dehan audoria ne’e buat ladiak, maibé liuhosi auditoria ida ne’e, maka ita bele haree hamutuk oinsá redezeña planu estratejiku PNTL oinsá atu dezenvolve instituisaun PNTL liuliu ba iha área jeneiru nian,” dehan Komisáriu Faustino da Costa, bainhira partisipa semináriu ne’ebé organiza husi Gabinete Jeneiru no TLPDP iha Timor Plaza, segunda (25/04).
Dadaun ne'e parte TLPDP rasik apoia maka’as PNTL, liliu finanseira no fó formasaun kapasitasaun oinsá dezenvolve instituisaun PNTL di’ak liuba futuru.
Xefe Gabinete Jeneiru PNTL, Superientidente Julia da Gama hatete, semaniáriu ne’e parte Gabinete Jeneiru PNTL hamutuk ho TLPDP mak realiza atu ko’alia kona-ba dezenvolvimentu PNTL nian 2023-2027.
“Semináriu ne’e PNTL hamutuk TLPDP diskute kona-ba auditória ne’ebé TLPDP sei halo ba Komandu PNTL Munisípiu sira, atubele identifika kestaun balun ne’ebé nesesáriu, hodi bele enkaisa iha planu asaun nasionál 2023-2027 liliu apoiu seguransa, formasaun no promosaun sira”, dehan nia.
TLPD durante ne’e apoia maka’as PNTL liliu gabinte jeneiru ho finansiamentu nune’e poia atividade kombate violénsia, seksuál, asedu seksuál ne’ebé sempre mosu no hasa’e igulaidade jeneiru iha institituisaun PNTL.
Xefe TLPDP iha Timor-Leste, Darren Booy esplika, TLPDP hamutuk Gabinete Jeneiru PNTL nian realiza semináriu atu halo auditória hodi haree hamutuk progresu koopersaun ne’ebé TLPDP halo ho instituisaun PNTL.
“Nune’e ba oin ba ida ne’ebé nesesita ita bele tau ba planu estratejiku PNTL nian, nune’e hamutuk dezenvolve PNTL ho d’ak liután”, afirma nia.
Alende ida ne’e mós hamutuk haree kestaun dezenvolvimentu iha área jeneiru PNTL nian liliu formsaun, kapasitasaun no apoia ba kombate Violensia doméstika no seluk tan. (*)