Login to your account

Username *
Password *
Remember Me

PM Orienta VMI Aselera Konstrusaun Edifísiu PNTL no Servisu Migrasaun

Vise Ministru Interior (VMI), António Armindo. Vise Ministru Interior (VMI), António Armindo. Foto Suplay

Tempotimor (Dili)-Primeiru Ministru (PM), Taur Matan Ruak, orienta Vise Ministru Interior (VMI), António Armindo atu aselera lalais konstrusaun edifísiu Kuartel Jerál Polísia Nasionál Timor-Leste (PNTL) no edifísiu foun ba Servisu Migrasaun.

“Sim, mai enkontru semanal ho PM, atualiza ami nia ezekusaun iha Ministeriu Interior, no PNTL ninia, no hetan mós orientasaun husi PM, ko'alia kona-ba edifísiu PNTL ninia ne'ebé dadaun ne'e paradu hela, no ko'alia kona-ba edifísiu migrasaun nia ne'ebé Governu planeia atu sosa iha tinan ne'e. Ida ne'e mak orientasaun husi PM atu haree ba asuntu sira ne'e para, orienta tékniku sira servisu lalais, hodi aselera no rezolve lalais asuntu sira ne'e”, dehan Vise-MI, Armindo, bainhira hasoru malu ho PM, iha Rezidénsia Ofisiál PM, Farol, segunda (25/04).

Antes ne’e, projetu konstrusaun edifísiu PNTL, lansa fatuk dahuluk iha loron 10 janeiru 2020, ne’ebé implementa husi empreza internasionál Shanghai Construction Group Co, Ltd (SCG) no konsultór PT. Ciriajasa Cipta Mandiri in JV With JKC Consultan Engineering Unipesoal Lda, ho valór orsamentu $10.177.638,20. Maibé tanba dadaun ne'e mudansa iha nia dezenu nune'e PM husu atu tékniku sira servisu lalais hodi aselera tiha.

“Tanba ida ne’e mak Governu planeia sosa hodi fó ba ita-nia serbisu migrasaun, dadaun ne'e migrasaun sira-nia edifísiu ne'e laiha, agora sira servisu ho MI de'it, portantu espasu laiha, ne'ebé Governu hanoin tau ona orsamentu e agora ha diskusaun hela, sira-nia dezeñu tomak agra iha Ministériu Obra Públika (MOP) para hetan aprovasaun mak depois ita avansa ho kontratu”, esplika nia.

Entretantu orsamentu ne'ebé atu aloka ba konstrusaun edifísiu foun Servisu Migrasaun nia ne'e kuaze millaun 3.

Ba ezekusaun Orsamentu Ministériu Interior iha parte sivíl nia, atinje ona pursentu 32 (32%), ba PNTL nia ho pursentu 44 (44%). (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter