"Hanesan ha'u hateten bebeik, ita nia planu feitu ona kontinua nafatin asegura eleisaun Prezidénsial segundu ronde ba ambiente ne'ebé mak kalma no hakmatek," dehan nia iha salaun apuramentu Baukau, kuarta (13/04).

Tanba ne'e, komandu PNTL Munísipiu Baukau sei kordena parte ékipa susesu husi kandidatu Prezidente Repúblika na'in-2 iha Baukau, inklui autoridade lokál atu asegura eventu refere.

Alende ne’e, komandu PNTL Munísipiu Baukau sei apoiu membru PNTL na'in-30 husi nasionál fó segúransa ba eleisaun PR iha sentru votasaun 125.

"Iha membru ne'ebé sei backup husi nasionál mai 30 pesoas ita koloka ona iha planu operasaun feitu tiha ona sei koloka hotu ba 125 sentru votasaun mak iha," dehan nia

Enkuantu komandu PNTL Munísipiu Baukau mós sei destaka membru PNTL ba iha prosesu pakotementu Munísipal to'o rezultadu apuramentu nivél Munísipal. (*)